भांगरभूंय | प्रतिनिधी
खबरा संस्था
हांगझोऊः भारताच्या तजिंदरपाल सिंगान नाट्यमय पद्दतीन शॉटपूटांत भांगरा पदक मेळोवन इतिहास रचलो. ताणे निमाण्या थ्रोंत 20.36 मीटर शॉटपूट मोखून मारून शॉटपूट ह्या खेळां प्रकारांत भांगरा पदक मेळयलें. ही कामगिरी करून ताणे आशियाई खेळांत सेगीत दुसरें भांगरा पदक मेळयलें. हाचे पयलीं 2018चे जाकार्ता आशियाई खेळांत ताणे भांगरा पदक मेळयल्लें.
तजिंदरपाल सिंगान तिसऱ्या यत्नांत 19.21 मीटर थ्रो करून फुडले फेरयेंत प्रवेश केलो. ताच्या पयल्या दोन यत्नांत फावल जालो. निमाणे ताणे आपली सगली शक्त पणाक लायली आनी 20.06 मीटर थ्रो करून भांगरा पदकाचेर आपलें नांव कोरातींत केलें. सौदी अरेबियाच्या मोहम्मद डोडा टोलान रुप्या पदक आनी चीनाच्या लिऊ यांगान कांस्या पदक मेळयलें. तजिंदरान हें पदक जिखले उपरांत भारताच्या नांवांचेर आतां 13 भांगरा पदकां जाल्यांत. वट्ट पदकांचो आंकडो 45चेर गेला. तातूंत 16 रुप्यांची आनी 16 कांस्याची पदकां आसात.
आशियाई खेळां सर्तीचो आयतारा आठवो दीस आशिल्लो. सर्तीच्या पयल्या दिसा भारतीय अॅथेलिटांनी पांच, दुसऱ्या दिसा स, तिसऱ्या दिसा तीन, चवथ्या दिसा चार, पांचव्या दिसा तीन, सव्वा दिसा आठ आनी सातव्या दिसा पांच पदकां मेळयल्ली.
निखत जरीनाची हार
बॉक्सिंगात भारताच्या निखत जरीनाक बायलांच्या 50 किलो वजनाच्या गटांत उपांत्य फेरयेंत हार खावची पडली. थायलंडाच्या बॉक्सरान ताका 2-3 अशा फरकान हारयलें. तााक फकत कांस्या पदकाचेर खोशी रावचें पडलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
