भांगरभूंय | प्रतिनिधी
तकली दुखप हें एक सामान्य समस्या वा दुयेंस. तें खंयचेय पिरायेच्या लोकांक जावं शकता. तकली दुखपाचे 150 परस चड प्रकार आसून तांचीं लक्षणांय वेगवेगळीं आसात. हाका लागून जिणेंत एक फावट तरी तकली दुखपाचो त्रास जाताच. हातूंतलीं कांय कारणां सौम्य आनी कांय भलायके खातीर धोक्याचीं आसात. तकली दुखपाचे दोन भागात वर्गीकरण केलां. ह्या प्राथमीक तकलेच्या दुखण्यांत विशिश्ट कारणां मेळनात जाल्यार दुय्यम तकली दुखपाचीं कारणां समजतात. हातूंत उच्च रक्तदाब, सायनुसायटिस, संसर्ग, मेंदवांत रगत गोंठेवप, ट्यूमर आदी दुयेंसां प्रमाण दुयेंतीची तपासणी करतात.
तकली दुखपाचे नेमके प्रकार खंयचे आनी ताचीं लक्षणां खंयचीं आसात, तीं पळोवया.
ताणाक लागून तकली दुखप फावो ती न्हीद आनी विसव घेनासतना सतत काम केल्यार ह्या प्रकारची तकली दुखप सुरु जाता. हो सौम्य ते मध्यम तकली दुखप, हातूंत चड करून तकले भोंवतणी घट्ट पट्ट्या सारकें जड दिसता.
मायग्रेन
मायग्रेन हें तकली दुखपाचो दुयेंस. तें चडश्यांक जाता. हातूंत तकलेची एक बाजू दुखत रावता. वखद घेवंक ना जाल्यार हे दुखप 4 ते 72 वरां मेरेन टिकूंक शकता. मायग्रेन म्हळ्यार खूब खर तकली दुखप, केन्ना केन्ना खर उजवाडाक लागूनय मायग्रेनचो त्रास जाता. केन्ना केन्ना आवाज वा एका खाशेल्या वासाक लागूनय तकली दुखूंक शकता. खास करून खावपाची चुकीची संवय, न्हीद उणी, सोरो पियेवप, वास, सुर्याक लागून मायग्रेन जाता.
क्लस्टर तकली दुखप
क्लस्टर तकली दुखप हें सगळ्यांत चड खर
तकली दुखप. हाका लागून दोळ्यांत खर दुखता
आनी जळजळ जाता. हो त्रास खूब काळ जाणवता. तशेंच तकलेतय सोंसूं नजो सारको त्रास जाता. ताका लागून दोळे तांबडे, बावली ल्हान आनी दोळे आनी नाकातल्यान उदक व्हावता.
सायनस
सायनस तकली दुखप हें नाकाचें दुयेंस. पूण हातूंत लेगीत कपलांत आनी पोल्यांत दुखता. नाक व्हांवता वा तकली दुखता. सायनसची समस्या आसल्यार दोतोराचो सल्लो घेवचो, तशेंच कांय घरगुती उपाय लेगीत हाचेर प्रभावी आसात.
जखमे उपरांत तकली दुखप
तकली वा मानेक जखम जाले उपरांत तकली दुखता. जखमे उपरांत 7 दिसांनी तकली दुखपाक सुरवात जाता आनी कितलेशेच म्हयने तिगता. तकली दुखपी दुयेंती चड करून वेदनाशामक वखदां वापरतात. ह्या वखदांचो चड वापर केल्यार परत परत तकली दुखपाचो त्रास जाता.
तकली दुखपाचीं लक्षणां
तकली दुखपाचीं कांय लक्षणांक रेड फ्लॅग्स अशें म्हण्टात. हाका लागून तकली दुखपाचीं लक्षणांचेर वेळार उपचार करचे. उच्च रक्तदाब, 50 वर्सां वयर पिराय, गुरवारपण, अर्धवट न्हीद, हात-पांय दुबळे जावप, चक्कर येवप हीं तकली दुखपाचीं लक्षणां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
