भांगरभूंय | प्रतिनिधी
वास्को: तंबाखू आशिल्ले पदार्थ खावप आनी सिगारेट पसून पयस रावपाचो उलो मुरगांवचे मामलेदार प्रवीणजय पंडित हांणी एके कार्यावळींत मारलो.
संवसारीक तंबाखू विरोधी दिसा निमतान बायणाच्या रवींद्र भवनाच्या वाठारांत मामलेदार कार्यालया वतीन जागरूकताय फेरयेचें आयोजन केल्लें. हे फेरयेंत बायणाचे रामनाथ नायक मेमोरिअल सरकारी उच्च माध्यमीक विद्यालय आनी बोगदा हांगचे आयटीआयचे विद्यार्थी, तशेंच मुरगांव मामलेदार कार्यालयाचे कर्मचारी वाटेकार जाल्ले.
ह्या वेळार विद्यार्थ्यांक मार्गदर्शन करतना पंडित हांणी तंबाखू आशिल्लें खावपाचें सामान आनी सिगारेट पिवपाक लागून भलायकेचेर जावपी वायट परिणामां विशीं म्हायती दिली.
उपरांत पंडित हांणी बावटो दाखोवन फेरयेक सुरवात केली. फेरी लागींच आशिल्ल्या बायणा दर्यादेगेर गेली. थंय तांणी तंबाखू विरोधी घोशणा दिली. हांगच्या नागरिकां मदीं तंबाखू आड जागरूकताय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
