भांगरभूंय | प्रतिनिधी
बदलपी जिणे पद्दती वांगडा पुराय संवसार तंत्रज्ञाना कडेन वचपाक लागला. ते भायर आयचे तरणाटे आपलो चडसो वेळ वेगवेगळ्या गॅजेटींत, कांय तरेच्या तंत्रगिन्यानांत घालयतात. ताचो सतत वापर केल्यार तरणाट्यांचे मानसीक भलायकेचेर परिणाम जाता. देखून तांकां जायत्या समस्यांक तोंड दिवचें पडटा.
शारिरीक आनी मानसीक भलायके खातीर चिंतेचे लक्षण
फाटल्या कांय वर्सांत तंत्रगिन्यानाचो वापर व्हड प्रमाणात वाडला. हातांत स्मार्टफोन आनी एका क्लिकांत पुराय संवसाराची म्हायती मेळटा. एके वटेन ताचे जायते फायदे आसात, जाल्यार दुसरे वटेन ताचे जायते लुकसाणय आसा. हलींची तरणाटी पिळगी तंत्रगिन्यानाचेर आदारून आशिल्ल्यान तांच्या शारिरीक आनी
मानसीक भलायकेचेर परिणाम जाता.
अजापाची गजाल म्हळ्यार 5 ते 7 वर्सां पिरायेच्या 23% भुरग्यांनी सोशल मिडिया वापरपाक सुरवात केल्या. तेच बरोबर 11 वर्सां वयर पिरायेच्या 50% भुरग्यां कडेन स्वताचो स्मार्टफोन आसा. 8 ते 17 वर्सां पिरायेचीं भुरगीं सरासरी 4 ते 6 वरां सोशल मिडियाचेर सक्रीय आसतात. हांतूतली 50% भुरगीं मध्यान रातीं 12 ते सकाळीं 5 वरां मजगतीं फोन वापरतात.
मानसीक भलायकेचेर तंत्रगिन्यानाचो परिणाम….
संशोधनाच्या मतान दिसाक 2 वरां परस चड वेळ सोशल मिडियाचेर सक्रीय आसल्यार मानसीक विकार जावपाचो धोको वाडटा. ह्या सगळ्यांक लागून न्हीद उणी जाता, जाका लागून मानसीक तशेंच शारिरीक भलायकेचेर परिणाम जाता. हाका लागून मोठसाण वाडटा, हेर दुयेंसां जातात. तंत्रगिन्यानाच्या भोंवतणीं चड आशिल्ल्यान आयच्या तरणाट्यांनी आपल्या मेंदवाचो वापर उणो केला. हाका लागून डिजिटल डिमेंशियाचो धोको वाडटा, जातूंत स्मरणशक्तीचेर परिणाम जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
