भांगरभूंय | प्रतिनिधी
फोंडेंः काल (बुधवारा) सकाळीं ते रातभर ढवळे दोंगराक उजो लागलो. ह्या उज्यांत दोंगराचो गोबर जालो. ह्या उज्याक लागून काजीं आनी रानांतल्या झाडांचो 1 किमि वाठाराचें व्हड प्रमाणांत लुकसाण जालें. भगवती देवळा मुखार आशिल्ले दोंगुल्लेन पेट घेतिल्लो. सांजवेळा 5 वरांचेर उजो पालोवपी दळाचो पंगड थळार धांवून आयलो पूण दोंगुल्ली व्हड आशिल्ल्यान दळाची गाडी थंय मेरेन पावली ना.
दोंगुल्ल्यांचेर आशिल्ले थळावें रान आनी हेर झाडां जळटना दिसून येतालीं. हो उजो कोणे हेतुपुरस्सर बी लायला काय कितें हाचो दुबाव लोक उक्तायतात. वाठारा भोंवतणचो उज्याचो थळाव्या लोकांनी व्हिडियो करून तो सोशल मिडियाचेर व्हायरल केलो.
रातच्या वेळार रानवटी जनावरां अशिल्ले दोंगुल्लेन पेट घेतला, रानवटी जनावरां वाठारांतल्यान पळून वचपाक लागल्यांत अशें थळाव्या लोकांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
