भांगरभूंय | प्रतिनिधी
नवी दिल्ली, खबरां संस्था ः ड्रग्स वेपारा आड खंयचीय म्हायती 1933 ह्या टोल फ्री क्रमांकाचेर दिवंक मेळटा. हो क्रमांक 24 वरां उपलब्ध आसतलो. केंद्रीय गृहमंत्री अमित शाह हांणी बिरेस्तारा राष्ट्रीय नारकोटिक्स हेल्पलायन ‘मानस’ सुरू केली. मानस म्हळ्यार ‘मादक पदार्थ विरोधी म्हायती केंद्र’. हाचे खाला वेब पोर्टल आनी मोबायल अॅप सुरू केला. हाचेर खंयच्याय ड्रग्स संबंदीत गुन्यांवाची म्हायती दिवंक मेळटा आनी पुनर्वसन समुपदेशना खातीर मजत घेवंक मेळटा. हांतूत सगळी म्हायती गुप्त दवरतले.
शाह हांणी सांगलें, ड्रग्स वेपाराचो संबंद नार्को टेररशी कडेन जोडला. फाटल्या धा वर्सांत 22 हजार कोटी रुपयांचें 5,43,000 किल ड्रग्ज जप्त केल्यांत. ड्रग्स वेव्हार आतां एक बहुस्तरीय गुन्यांव जाला आनी ताचे आड आमी सगळ्यांनी उबे रावपाक जाय. सगळ्यो वेवस्था, पुलीस ड्रग्स वापरप्यांक धरुन कारवाय करतात. पूण तेच बरोबर सगल्यांनी तांका सहकार करुन ड्रग्स वेपारांत आस्पावीत आशिल्ले पुराय नेटवर्क नश्ट करपाक जाय.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
