भांगरभूंय | प्रतिनिधी
फोंडें: फोंडेंच्या वयल्या बाजारांतल्या अॅरपोर्ट रस्त्यार शुक्रारा राती पुलिसांनी दुबावीत तरेन भोंवपी विशांत उर्फ विकी महादेव सोनार (32. रा. खडपाबांद- फोंडें) हाचे कडल्यान 430 ग्राम गांजो जप्त केलो. गांजो बाळगिल्ल्या प्रकरणांत फोंडें पुलिसांनी दुबाविताक अटक केली. निरिक्षक तुषार लोटलीकार ह्या प्रकरणांत अदीक तपास करता.
पुलिसांनी दिल्ले म्हायती प्रमाण शुक्रारा राती वेळार दुबाविता कडेन 430 ग्राम गांजो सांपडलो. फोंडें पुलीस स्टेशनाचे निरिक्षक तुषार लोटलीकार हांच्या मार्गदर्शना खाला उपनिरिक्षक प्रतीक भट, आदित्य नायक गांवकार, हवालदार हनुमंत बोरकार, सहाय्यक उपनिरिक्षक जितेंद्र गावडे आनी हेर पुलीस शिपायांनी कारवाय करून दुबाविताक ताब्यांत घेवन अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
