भांगरभूंय | प्रतिनिधी
ट्रान्सफोर्मर कोसळ्ळो; दुरुस्तीकाम झुजां पांवड्यार
भांगरभूंय । प्रतिनिधी
वाळपयः ठाणे डोंगुर्ली पंचायत वाठारांतलो डोंगुर्ली गांव फाटल्यान दोन दिसां सावन काळखांत आसा. ह्या वाठारांतलो ट्रान्सफोर्मर कोसळून पडिल्ल्यान पुराय गांवांतली वीज पुरवण बंद जाल्या. फाटल्या दोन दिसां सावन वीज खात्याचे कर्मचारी झुडा पांवड्याचेर दुरुस्तीकाम करतात.
मेळिल्ले म्हायती प्रमाण डोंगुर्ली गांवांत वीज पुरवण करपी ट्रान्सफोर्मर अचकीत कोसळून पडलो. तो ट्रान्सफोर्मर खूब पोरणो जाल्लो. ताचे दोनूय खांबे मोडून पडिल्ल्यान ट्रान्सफोर्मर खाला पडलो आनी वीज पुरवण खंडीत जाली.
हे विशींची म्हायती कार्यालयाच्या अधिकाऱ्यांक दिले उपरांत ताकतिकेन दुरुस्तीकाम हातांत घेतलां. दोन दिसां सावन वाळपय वीज कार्यालयाचे कर्मचारी थंय झुजा पांवड्याचेर काम करतना दिसतात. ह्या कामाचेर देखरेख दवरचे खातीर कार्यालयाचे कनिश्ठ अभियंते सावंत थंय हाजीर आसात.
वीज पुरवण बंद जाल्ल्यान घरांतली विजेचेर चलपी उपकरणां बंद पडल्यात. म्हत्वाचें म्हणल्यार ह्या गांवांत आशिल्ली शेती बागायतींतलीं शिंपणावळीची वेवस्था बंद जाल्या.
हे विशींची म्हायती मेळटाच थळावी आमदार डॉ. देविया राणे हांणी ताकतिकेन हाची दखल घेवन कार्यालयाच्या संबंदीत अधिकाऱ्यांक ह्या प्रकरणांत गंभीरपणान लक्ष दिवपाची सुचोवणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
