भांगरभूंय | प्रतिनिधी
भांगरभूंय । प्रतिनिधी
बोरयेः भारतीय संस्कृती प्रबोधिनीच्या शिरोडें हांगच्या गोमंतक आयुर्वेद म्हाविद्यालय हॉस्पिटल आनी संशोधन केंद्राचे भुरग्यांचे दुयेंस उपचार तज्ज्ञ आनी प्राध्यापक डॉ सुमोद खेडेकार हांका पीएचडी फावो जाल्या. ताणी डीएमआयएचईआर नागपूर विद्यापिठांतल्यान ही डॉक्टरेट मेळयल्या.
पीएचडी खातीर डॉ खेडेकार हाणे “प्रोटीन इनर्जी मालन्यूट्रेशन इन चिल्ड्रन” व्हो सोद प्रबंध सादर केल्लो. आयुर्वेदांतल्या “कौमारभृत्य” ह्या विशयांत पीएचडी मेळोवपी डॉ खेडेकार हे पयले गोंयकार आसात. ताणी जायते संशोधन लेख बरोवन प्रकाशीत केल्यात. “प्रोटीन इनर्जी मालन्यूट्रेशन इन चिल्ड्रन” ह्या विशयाचेर संशोधनात्मक प्रबंध बरोवन तो प्रकाशीत करपाचो मान ताणे मेळयला. डॉक्टरेट मेळिल्ले खातीर डॉ सुमोद खेडेकार हाका सगल्या पावंड्यां वल्यान परबीं फावो जातात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
