भांगरभूंय | प्रतिनिधी
पणजी: अंदूंचो मनोहर पर्रीकार युवा वैज्ञानीक पुरस्कार इंडियन इन्स्टिट्यूट ऑफ सायन्साचे सहयोगी प्राध्यापक डॉ. साई गौतम गोपालकृष्णन हांकां फावो जालाे. आदले मुख्यमंत्री मनोहर पर्रीकार हांचे जल्मदिसा निमतान जावपी पर्रीकार विज्ञान महोत्सवांत ह्या पुरस्काराचें वितरण जातलें. डॉ. अनील काकोडकार हांच्या फुडारपणा खालचे निवड समितीन डॉ. साई गोपालकृष्णन हांची पुरस्कारा खातीर निवड केल्या.
आदले मुख्यमंत्री सर्गेस्त मनोहर पर्रीकार हांच्या नांवान सुरू जाल्ल्या पुरस्काराचें हें तिसरें वर्स. पुरस्कारा खातीर नामनेच्या वैज्ञानिकां कडल्यान 50 अर्ज आयिल्ले. हातूंतल्यान 10 अर्जांची व्यक्तीगत मुलाखती खातीर निवड जाली. मुलाखती उपरांत डॉ. साई गोपालकृष्णन हांची पुरस्कारा खातीर निवड जाली. रोख 5 लाख रुपया आनी यादस्तीक अशें ह्या पुरस्काराचें स्वरूप आसा.
देशांतल्या तरणाट्या विज्ञानिकांक संशोधन करपाक उर्बा मेळची, ह्या हेतान गोंय सरकारान हो पुरस्कार सुरू केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
