भांगरभूंय | प्रतिनिधी
प्रा. दत्ता परब: पिर्णच्या श्री शांतादुर्गा उच्च माध्यमीक विद्यालयांत गोंय क्रांती दीस
म्हापशें ः गोंयची जनता पुर्तुगेजांच्या अत्याचारां खाला चेंपून वतनाच तांच्या काळजांत देशभक्तीची ज्योत पेटोवन क्रांतीची मशाल बगबगावपी डॉ. राम मनोहर लोहिया हो एक म्हान पुरूस आशिल्लो अशे प्रा. दत्ता परब हांणी म्हणलें.
पिर्ण हांगच्या श्री शांतादुर्गा उच्च माध्यमीक विद्यालयांत गोंय क्रांती दीस व्हडा उमेदीन मनयलो. ह्या वेळार विद्यार्थ्यां मुखार प्रा. परब उलयताले. ह्या वेळार माचयेर प्राचार्य उमेश नायक आनी प्रा. रामचंद्र नायक देसाय हाजीर आशिल्ले.
देशाक पारतंत्र्यांतल्यान मुक्त करपा खातीर आपली पुराय जीण अर्पण करपी क्रांतिकार्यांची जीण अध्ययन करपाचो उलो प्रा. परब हांणी मारलो.
डॉ. राम मनोहर लोहिया हांच्या फोटवाक ह्या वेळार प्राचार्या हस्तुकीं फुलांचो हार अर्पण केलो. ह्या वेळार विद्यार्थी वर्गा वतीन नितीक हळर्णकार हांणी गोंय क्रांती दिसा विशीं मनोगत उक्तायलें.
प्रा. रामचंद्र नायक देसाय हांणी सुत्रसंचालन आनी उपकार मानले. ही कार्यावळ येसस्वी करपा खातीर शिक्षकेत्तर कर्मचारी विश्वास नायक आनी यशवंत साखळकार हांणी विशेश मेहनत घेतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
