भांगरभूंय | प्रतिनिधी
पणजी, प्रतिनिधी : बंगळूरुच्या इंडियन इन्स्टिट्यूट ऑफ सायन्सचे वैज्ञानिक डॉ. मोहीतकुमार जॉली हांची मनोहर पर्रीकार युवा वैज्ञानिक पुरस्कारा खातीर निवड जाल्या. मुख्यमंत्री डॉ. प्रमोद सावंत हांणी ही म्हायती दिली. येत्या 13 डिसेंबराक आदले मुख्यमंत्री सर्गेस्त मनोहर पर्रिकार हांच्या जल्मदिसा एनआयओंत जावपी कार्यावळींत ह्या पुरस्काराची भेटवण जातली.
डॉ. जॉली हे केसराचेर संशोधन करतात. रोख 5 लाख रुपया आनी मानपत्र अशें ह्या पुरस्काराचे स्वरूप आसा. पुरस्कारा खातीर देशभरांतल्या तरणाट्या वैज्ञानिकांचे 82 अर्ज आयिल्ले. हातुंतल्यान 12 जाणांची मुलाखती खातीर निवड जाल्ली. मुलाखती उपरांत डॉ. अनिल काकोडकार हांचे फुडारपणा खालच्या समितीन डॉ. जॉली हांची निवड केली. मनोहर पर्रिकार हांच्या नांवान युवा वैज्ञानिक पुरस्कार दिवपाचें हें दुसरें वर्स. वैज्ञानिक संशोधनाक उर्बा दिवपाच्या हेतान हो पुरस्कार सरकारान सुरु केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
