भांगरभूंय | प्रतिनिधी
भांगरभूंय प्रतिनिधी
मडगांव: गोंयांतल्या म्हादय न्हंयेक ना नपयत करपाक सोदपी कर्नाटकांत मुख्यमंत्री डॉ प्रमोद सावंत हाणे वचून थंयचे संकल्प यात्रेंत वांटेकार जावप म्हणल्यार गोंया कडेन तांणी द्रोह केल्ल्या सारकें आसा. सेव्ह म्हादय मुव्हमेंटां वतीन आमी ताचो निशेध करतात आनी तांका सूर्याजी पिसाळ अशें नांव दितात अशें मुव्हमेटाचो वावुरपी प्रशांत नायक हाणे एके पत्रकार परिशदेंत सांगलें.
ह्या वेळार विकास भगत, प्रतिमा कुतिन्हो आनी सेराफीन कॉता हाजीर आशिल्लो. डॉ सावंत माचयेर आसतना कर्नाटकाचे मंत्री म्हादयचें उदक आमकां मेळटलेंच अशें सांगतात ताचे वयल्यान म्हादयचें उदक कर्नाटकाक दिवपाच्या कटांत डॉ सावंत आनी भाजाचे केंद्रीय फुडारी वांटेकार आसात हें स्पश्ट जाता अशें नायक हाणे सांगून मुख्यमंत्र्यान गोंयकारांची माफी मागची अशी मागणी केली.
मुख्यमंत्री डॉ सावंत हे कर्नाटक राज्यांत भाजपाचो स्टार प्रचार जाल्यात तांका गोंयकारांचें कांयच पडून गेल्लें ना अशें प्रतिमा कुतिन्होन सांगलें. गोंयांतलो फाटीचो कणो नाशिल्लो मुख्यमंत्री म्हणल्यार डॉ सावंत अशें विकास भगतान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
