भांगरभूंय | प्रतिनिधी
10 ते 1 मेरेन करतले तपासणी
पणजी: बेळगांवच्या अरिहंत हॉस्पिटला वतीन काळजा दुयेंस तपासणीचें फाल्यां (शेनवारा) पर्वरेच्या गोवा स्कॅन सेंटरांत आयोजन केलां. ते निमतान सकाळीं 10 ते दनपारां 1 मेरेन काळजा दुयेंस तज्ञ डॉ. एम. डी. दीक्षित दुयेंतींची तपासणी करतले. तरी काळजाचीं दुयेंसां आशिल्ल्या दुयेंतींनी हाचो लाव घेवचो अशें आवाहन अरिहंत हॉस्पिटला वतीन केलां. ते वेगळ्यावेगळ्या काळजाच्या दुयेंसाचीं तपासणी आनी दुयेंतींक सल्लो दितले.
डॉ. दीक्षित हे अरिहंत हॉस्पिटलाचे वेवस्थापकी संचालक आसून तांणी बेळगांवच्या जे. एन. मॅडिकल कॉलेजींतल्यान एमबीबीएसची पदवी मेळयल्या. जाल्यार 1984 वर्सा बळ्ळारी सरकारी मॅडिकल कॉलेजींतल्यान एमएस पदवी मेळयल्या.
डॉ. दीक्षित हे काळजाचेर रोबोटीक शस्त्रक्रिया करपी कर्नाटकांतले पयले काळजा दुयेंस तज्ञ आसात. तांणी आतां मेरेन 35 हजारां परस चड काळजाची शस्त्रक्रिया येस्वीपणान केल्या. गोंयची दीन दयाळ स्वास्थ येवजण अरिहंत हॉस्पिटलांत सुरू केल्या. गोंयकारांक हे येवजणेचो बरो लाव जातलो. तरी गोंयच्या नागरिकांनी हाचो लाव घेवचो अशें अरिहंत हॉस्पिटला वतीन आवाहन केलां. आतां अरिहंत हॉस्पिटलान एमआयसीएस प्रक्रिया सुरू केल्ल्यान हाचो दुयेंतीक लाव जातलो. अदीक म्हायती खातीर 9036102390 वा 9741581618 ह्या क्रमाकां कडेन संपर्क सादचो अशें आवाहन केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
