भांगरभूंय | प्रतिनिधी
मेरीलॅण्ड, खबरां संस्था: भारतीय संविधानाचे शिल्पकार, देशाचे पयले कायदो मंत्री डॉ. बाबासाहेब आंबेडकर हांच्या देशाच्या भायर सगळ्यांत व्हडल्या पुतळ्याचें अनावरण अमेरिकेच्या मेरीलँड राज्यांत जातलें. १४ ऑक्टोबराक ह्या पुतळ्याचें अनावरण ‘स्टॅच्यु ऑफ इक्वलिटी’ ह्या नांवान जातलें. आंबेडकर आंतरराष्ट्रीय केंद्रान (एआयसी) हो पुतळो उबो केला. ही संस्था डॉ. आंबेडकराचे स्वातंत्र्य, समता आनी समाजीक न्याय हे विचार पातळावपाचें काम करता.
आंबेडकर आंतरराष्ट्रीय केंद्रा वरवीं स्टॅच्यू ऑफ इक्वलिटीची स्थापना मॅरीलँडच्या कोकीक हांगा १३ एकराचेर विकसीत केल्ल्या डॉ. बी. आर. आंबेडकर स्मृती पार्कांत केल्या. ह्या डॉ. आंबेडकर पुतळ्याची निर्मिती शिल्पकार राम सुतार हांणी केल्या. पुतळ्याची उंचाय ९ फूट आसा. सुतार हांणी सरदार पटेल हांचो गुजरातच्या केवडीयाचो सगळ्यांत उंच ‘स्टॅच्यु ऑफ युनिटी’ हो पुतळो उबारला.
मेरीलॅण्डांत जावपी कार्यावळीक अमेरिकेंतले डॉ. आंबडेकर हांचे अनुयायी हाजीर आसतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
