भांगरभूंय | प्रतिनिधी
भांगरभूंय । प्रतिनिधी
वाळपयः कांय म्हयन्यां आदी सत्तरी तालुक्यांतल्या कांय वाठारांत डेग्यूचें दुयेंती मेळिल्ले. पावसाच्या दिसांनी हें दुसेंय पातळपाची भिरांत आशिल्ल्यान ताचेर नियंत्रण दवोरपा खातीर वाळपयच्या सामाजीक हॉस्टिटलांत आतां सावन तयारी सुरू केल्या. नितळसाण निरीक्षक गजानन पार्सेकार हाच्या मार्गदर्शना खाला ज्या सुवातांनी पावसांत उदक तुंबपाची शक्यताय आसा ताची पळोवणी करपाचें काम सुरू केलां.
हालींच सत्तरी तालुक्यांतल्या पंचायतीचे सरपंच आनी वाळपच पालिकेच्या नगरसेवकांची एक बसका घेवन सामाजीक हॉस्पिटलाच्या वैजकी अधिकाऱ्यान मलेरिया आनी डेंग्यू कशे तरेन नियंत्रणा खाला हाडप शक्य आसा ताचेर सविस्तरपणान चर्चा केली. डा
विकास नायक, डॉ अभिजीत वाडकार आनी हेरांनी ह्या वेळार मार्गदर्शन केलें. पंचायत पांवड्यार लोक जाग्रुताय करपाची सूचोवणी हे बसकेंत केली.
कुळागरांनी उदकाची चेंबरां आसतात. तातूंत उदक साठून रावल्यार थंय जळेरां तयार जावपाची शक्यताय आसा. चेंबरांत ऑयल घालून जळेरांची पैदास जावची ना हाची जतनाय घेवपाक कुळागरवाल्यांक सांगतले. सत्तरी तालुक्यांत 12 पंचायती आनी एक नगरपालिका आसा. ताणी मलेरिया आनी डेंग्यू विशीं लोक जाग्रुताय करपाचें काम सुरू केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
