भांगरभूंय | प्रतिनिधी
नवी दिल्ली, खबरां संस्था ः एआय कडल्यान निर्माण जावपी चुकीची म्हायती, खास करून डीपफेक हांचे आड झुजपा खातीर व्हॉट्सअॅप बेगीनूच हेल्पलायन सुरू करतले. हे खातीर व्हॉट्सअॅपाची मूळ कंपनी मेटा आनी मिसइन्फॉर्मेशन कॉम्बॅट अलायन्स (एमसीए) हांणी भागीदारी केल्या. ही हेल्पलायन चॅटबॉटाच्या रुपांत आसतली, जी इंग्लीशी सयत तीन थळाव्या भाशांनी (हिंदी, तमिळ आनी तेलगू) सुरू जातली. देशभरांतल्या वापरप्यांक ताचो वापर करूं येता. चवकशी खातीर चॅटबॉटा वरवीं मजकूर संदेश, फोटो आनी व्हिडियो धाडून तुमी कागाळ करुं शकतात.
व्हॉट्सअॅप हेल्पलायनी वरवीं मेळिल्ल्या कागाळींचें विश्लेशण आनी वेवस्थापन करपा खातीर एमसीए केंद्रीय ‘डीपफेक विश्लेशण युनिट’ स्थापन करतले.
डीपफेक थांबोवप ही सोशल मिडिया प्लॅटफॉर्मांची जापसालदारकी…
भारतांतल्या सगळ्या इंटरनॅट प्लॅटफॉर्मांचेर तांच्या वापरप्यांनी तांच्या प्लॅटफॉर्माचेर कसलीच खोटी म्हायती वा डीपफेक घालचे न्हय हाची खात्री करपाचे कायदेशीर बंधन आसा अशें इलॅक्ट्रॉनिक्स आनी आयटी राज्यमंत्री राजीव चंद्रशेखर हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
