भांगरभूंय | प्रतिनिधी
नवी दिल्ली, खबरां संस्था ः केंद्रीय म्हायती तंत्रज्ञान मंत्रालयान डीपफेक आडावपा खातीर नवे नेम तयार केल्यात. ते प्रमाण नव्या नेमांचे उल्लंघन करपी खंयचोय सोशल मिडिया प्लॅटफॉर्म भारतांत बंद करतले.
सोशल मिडिया प्लॅटफॉर्म आनी हेर भागधारकां मदीं दोन बसका जाल्ल्याचें आयटी मंत्रालयाच्या अधिकाऱ्यान सांगलें. तांतूत एआय वरवीं डीपफेक कंटेंट फिल्टर करपा खातीर सोशल मिडिया प्लॅटफॉर्म काम करतले अशें थारायलें. डीपफेक कंटेंट पोस्ट करप्यांचेर आयपीसी आनी आयटी कायद्याच्या कलमा खाला गुन्यांल नोंद करतले.
नवे नेम –
० ज्या प्लॅटफॉर्माचेर फेक कंटेंट अपलोड करतले ताकाय जापसालदार धरतले.
० डीपफेक कंटेंट मेळ्ळे बरोबरच कोणूय एफआयआर दाखल करुंक शकता. पीडित आनी ताचे वतीन नेमिल्ल्या मनशाकय गुन्यांव दाखल करपाचो अधिकार आसा.
० सोशल मिडिया प्लॅटफॉर्माचेर डीपफेक कंटेंट पोस्ट करचे नात अशें वापरप्यांक उतर दिवचें पडटलें. प्लॅटफॉर्म आपल्या वापरप्यांक हे संबंदी अलर्ट संदेश दितले. वापरप्यांच्या परवानगी उपरांतच लॉगीन करपाक मेळटले.
० डीपफेक कंटेंट 24 वरां भितर काडून उडोवचो पडटलो. कंटेंट अपलोड करपी वापरप्याचें खातें बंद करचें पडटले आनी दुसऱ्या प्लॅटफॉर्माची म्हायती दिवची पडटली जाका लागून आरोपी थंय खातें तयार करूंक शकना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
