भांगरभूंय | प्रतिनिधी
खबरां संस्था: संरक्षण संशोधन आनी उदरगत संस्थेन (डीआरडीओ) काल, १६ नोव्हेंबर २०२४ दिसा रातीं ओडिशाचे दर्यादेगेर डॉ. एपीजे अब्दुल कलाम बेटावेल्यान भारताच्या पयल्या लांब पल्ल्याच्या आवाजाच्या वेगाच्या पांच पटी परस चड वेगवान (हायपरसॉनीक) क्षेपणास्त्राची येसस्वी उड्डाण चाचणी केली. हें ‘हायपरसॉनीक‘ क्षेपणास्त्र सशस्त्र दळां खातीर १,५०० किलोमीटर परस चड अंतराचेर विवीध तरेचे स्फोट, गुप्तचर उपकरणां वा हेर झूजाचें सामान (पेलोड) व्हरपा खातीर तयार केलां.
पयसुल्ली बोट स्टेशना वेल्यान उड्डाणा विशीं मेळिल्ले म्हायती प्रमाण ह्या क्षेपणास्त्रान येसस्वी झुजाच्या अभ्यासाचीं प्रात्यक्षिकां दितना न चुकतां लक्ष्यभेदाचो नियाळ केला.
हें क्षेपणास्त्र डॉ. एपीजे अब्दुल कलाम क्षेपणास्त्र संकुल, हैदराबादांत प्रयोगशाळा तशेंच ‘डीआरडीओ‘च्या हेर प्रयोगशाळा आनी उद्देगीक भागीदारांच्या सहकार्यान स्वदेशी तंत्रज्ञानान विकसीत केलां. ही उड्डाण चाचणी ‘डीआरडीओ‘च्या वरिश्ट शास्त्रज्ञ आनी सशस्त्र दळाच्या अधिकार्यांचे हाजेरींत घेतली.
संरक्षण संशोधन आनी उदरगत विभागाचे सचीव आनी ‘डीआरडीओ‘चे अध्यक्ष डॉ. समीर व्ही. कामत हांणी हे येसस्वी मोहिमेंत योगदान दिल्ल्या ‘डीआरडीओ‘च्या पंगडाक परबीं भेटयल्यां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
