भांगरभूंय | प्रतिनिधी
नवी दिल्ली, खबरां संस्था ः भारतांत डिसेंबरांत शिवराक थाळीचे दर 6 टक्क्यांनी वाडून 31.60 रुपया जाले. फाटल्या वर्सां डिसेंबर 2023 त शिवराक थाळीचे दर 29.70 रुपया आशिल्ले. ही म्हायती क्रिसिलान (CRISIL) जाहीर केल्ल्या म्हयन्याळ्या फूड प्लेट दर निर्देशकांत दिल्या.
फाटल्या म्हयन्यांतल्या नोव्हेंबराच्या तुळेंत डिसेंबरांत शिवराक थाळीच्या दरांत 3 टक्क्यांनी उणाव जाल्ल्याचें क्रिसिलान सांगलां. नोव्हेंबरांत शिवराक थाळीचे दर 32.70 रुपया आशिल्ले.
नाॅनवेज थाळी वर्सुकी 12% म्हारग…
त्याच वेळार डिसेंबरांत नुस्त्याचे थाळी 12 टक्क्यांनी वाडून 63.30 रुपया जाली. फाटल्या वर्सा डिसेंबर 2023 वर्सां शिवराक थाळीचो खर्च 56.40 रुपया आशिल्लो. म्हयन्याच्या आदाराचेर नोव्हेंबराच्या तुळेंत डिसेंबरांत नाॅनवेज थाळीचे दर 3% वाडल्यात. नोव्हेंबरांत नाॅनवेज थाळीचो दर फक्त 61.50 रुपया आशिल्लो.
बटाट आनी टोमॅटोचे दर वाडिल्ल्यान…
क्रिसिलच्या अहवाला प्रमाण बटाट आनी टोमॅटोचे दर वाडिल्ल्यान शिवराक थाळीचे दर वाडल्यात. शिवराक थाळीच्या खर्चांत बटाट आनी टोमॅटोचो वांटो 24% आसता. बटाटाचे दर वर्सुकी 50% आनी टोमॅटोचे दर 24% वाडल्यात. तेच बरोबर वनस्पती तेलांतय वर्सुकी 16% वाड जाल्या.
चिकनाचे दर वाडिल्ल्यान….
तेच बरोबर नाॅनवेज थाळीच्या दरांत ही वाड ब्रॉयलर म्हणल्यार चिकनाच्या दरांत वर्सुकी 20% वाड जाल्ल्यान जाल्या. नाॅनवेज थाळीच्या खर्चांत ब्रॉयलर चिकनाचो वांटो 50% आसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
