भांगरभूंय | प्रतिनिधी
नवी दिल्ली, खबरां संस्था ः डिसेंबर 2024 वर्सा सरकारान वस्तू आनी सेवा कर म्हळ्यार जीएसटींतल्यान 1.77 लाख कोटी रुपया एकठांय केल्यात. वर्सुकी तत्त्वाचेर 7.3% वाड जाल्या. 1 जानेवारीक जारी केल्ल्या आंकडेवारी प्रमाण डिसेंबर 2023त सरकारान 1.65 लाख कोटी रुपयांची जीएसटी एकठांय केल्ली. मजगतीं, ह्या अर्थीक वर्सां म्हळ्यार 2024-25 वर्सां आतां मेरेन जीएसटींतल्यान 16.33 लाख कोटी रुपया मेळ्ळ्यात.
एक म्हयनो आदीं नोव्हेंबरांत सरकारान जीएसटींतल्यान 1.82 लाख कोटी रुपया एकठांय केल्ले, जे पोरुंच्या नोव्हेंबराच्या तुळेंत 8.5 टक्क्यांनी चड आशिल्ले. वर्साच्या पयल्या स म्हयन्यांत जीएसटी संकलन 10.87 लाख कोटी रुपया मेळ्ळे, जें अर्थीक वर्स 24 च्या पयल्या स म्हयन्यांत 9.5 टक्क्यांनी चड आसा.
एप्रील 2024 त सगळ्यांत चड 2.10 लाख कोटी
कर वसुलीचे नदरेन नोव्हेंबर हो आतां मेरेनचो तिसरो सगळ्यांत चड कर वसुली म्हयनो. ताचे आदीं एप्रील 2024 वर्सा सगळ्यांत चड 2.10 लाख कोटी रुपया जीएसटी एकठांय जाल्ली. त्याच वेळार एप्रील-2023 आनी ऑक्टोबर-2024 वर्सा सरकारान 1.87-1.87 लाख कोटी रुपया जीएसटी एकठांय केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
