भांगरभूंय | प्रतिनिधी
मॉवीन गुदिन्हो : पर्पल महोत्सवांतल्या परिसंवादांत मांडलें मत
भांगरभूंय । प्रतिनिधी
पणजी : आयज डिजिटल तंत्रज्ञानाक लागून नवीं नवीं उपकरणां तयार जातात. ‘वर्क फ्रॉम होम’ ही संकल्पना लेगीत वाडटा. डिजिटल तंत्रज्ञानाक लागून दिव्यांगजनांक रोजगार दिवप सहज शक्य आसा. डिजिटल तंत्रज्ञान हें फुडारांत दिव्यांगजनां खातीर वरदान थारतलें, अशें उद्देग मंत्री मॉवीन गुदिन्हो हांणी पर्पल महोत्सवांतल्या परिसंवादांत उक्तायलें.
पणजे चालू आशिल्ल्या पर्पल महोत्सवांत विवीध विशयांचेर आदारीत परिसंवाद चालू आसात. ‘उदरगत आनी कामाचे सुवातेर दिव्यांगजनांचो वांटो’ ह्या विशयाचेर परिसंवाद जालो. सेथू हे संस्थेन परिसंवादाचें आयोजन केल्लें. अर्थीक, समाजीक आनी उद्देगीक उदरगतींत दिव्यांगजनांक चडांत चड संद दिवपाक जाय. दिव्यांगजनांक आदार दिता दिता तांचो लेगीत समाजाक आदार जावपाक शकता. हे खातीर उद्देगांनी दिव्यांगजनांक रोजगार दिवपाक जाय. डिजिटल तंत्रज्ञान आनी वर्क फ्रॉम होम संकल्पनेचो आदार दिवन दिव्यांगजनांच्या कला कुशळटायेचो उद्देगांनी उपेग करून घेवपाक जाय, अशें गुदिन्हो हांणी परिसंवादांत उलयतना सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
