भांगरभूंय | प्रतिनिधी
वाळपय: ठाणे भौशीक गणेशोत्सव मंडळाची वर्सुकी साबार बसका हालींच गणेश मंडळाच्या सभामंडपांत जाली. ह्या वर्साच्या भौशीक गणेशोत्सव मंडळाच्या नव्या कार्यकारिणीची निवड केली. समितीच्या अध्यक्षपदार पांडुरंग गांवकार हांची परतून निवड केली.
ह्या वेळार भौशीक गणेशोत्सव मंडळाच्या आयोजना विशीं विस्तारान चर्चा केली. तेच प्रमाण वेगळ्योवेगळ्यो कार्यावळी आयोजीत करून तातूंत समाजांतल्या सगल्या घटकांक वांटेकार करून घेतले. मंडळाच्या आयोजनाचें नियोजन करपाचे नदरेंतल्यान समितीची निवड केली. समितीचे पदाधिकारी मुखार दिल्ले प्रमाण आसात.
अध्यक्ष- पांडुरंग गांवकार, उपाध्यक्ष- गोपाळ नायक, संतोष गांवकार, उमेश गांवकार, सचीव बाळकृष्ण नायक, जोडसचीव- पांडुरंग गांवकार, भांडारी- सदानंद गांवकार, जोड भांडारी- दीपक नायक.
सल्लागर मंडळ- अर्जून गांवकार, चंद्रकांत नायक, उत्तम गांवकार, फटगो गांवकार, सुहास नायक, झिलबिराव देसाय हांचो हातूंत आस्पाव आसा.
बसकेचे सुरवेक अध्यक्ष पांडुरंग गांवकार हांणी हाजीर आशिल्ल्या गणेश भक्तांक येवकार दिलो. ह्या वेळार तांणी अंदूंचो उत्सव विवीध कार्यावळींनी मनोवपा खातीर सगल्यांनी बरे तरेन सहकार्य करचें अशी विनंती केली.
मंडळाचे सचीव बाळकृष्ण नायक हांणी फाटल्या वर्साचो अहवाल सादर केलो. भांडारी सदानंद गांवकार हांणी उपकार मानून बसकेची सांगता केली.
मजगतीं, ह्या वेळार देणगी कुपन समिती, कार्यावळ समिती, सजावट समिती, पुजन समिती, विसर्जन समिती वेंचली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
