भांगरभूंय | प्रतिनिधी
ट्विटरान कंटेंट क्रिएटर्सा खातीर जायरात- महसूल वांटपाची कार्यावळ सुरू केल्या. ब्ल्यू टिक आशिल्ल्या वापरप्यांकय ताचो फायदो मेळपाक लागला. एलन मस्कान पयलेच खेपे फेब्रुवारींत हो उपक्रम जाहीर केल्लो, पूण त्या वेळार तो कसो चलतलो हाचे विशीं चडशी म्हायती मेळूंक नाशिल्ली. ही कार्यावळ जाहीर करपी ट्विटरा प्रमाण पात्र आशिल्ल्या वापरप्यांक तांच्या पोस्टांतल्यान मेळिल्ल्या जायरातींच्या येणावळीचो थोडो वांटो मेळटलो.
जायत्या वापरप्यांनी येवपी फारीकणीची अधिसुचोवणी मेळ्ळ्या अशें सांगलां, जातूत कांय हजार ते हजारांनी डॉलर मेरेन दावे केल्यात. मस्काच्या मतान पयल्या फेरयेंत उत्पादकांक $ 5 दशलक्ष (सुमार 41 कोटी रुपया) पेआउट करतले.
येणावळ वांटपाची पद्दत फकत ट्विटर ब्ल्यूच्या गिरायकांक वा फाटल्या तीन म्हयन्यांत उण्यांत उणे 5 दशलक्ष पोस्ट लायक जाल्ल्या संस्थां खातीर उपलब्ध आसा. ते भायर, वापरप्यांचे पुनरावलोकन करतले आनी स्ट्राइप खात्या वरवीं फारीक करचे पयलीं निर्मातो वांगडीपण धोरणाक पाळो दिवचो पडटलो. ह्यो अटी पाळपी वापरप्यांनी तांच्या खातें सेटिंग्जात कमाय विभागाक भेट दिवन आपुल्याक जोडून घेवपाची विनवणी करूं येता.
वापरप्यां खातीर कांय मर्यादा आसतली. ट्विटर मानकां प्रमाण प्रौढ (एडल्ट) सामुग्रीतल्यान जोडपाची परवानगी ना. पिरॅमिड येवजण, जलद श्रीमंत जायात येवजण, हिंसाचार, गुन्यांवकारी कार्यावळी, जुगार, ड्रग्स आनी सोरो हांचे कडेन संबंदीत पोस्टांचेर पयशे मेळचे नात. ते भायर निर्मातो दुसऱ्याचे मालकीची कॉपीराइट आशिल्ली सामग्री आपल्याक पयशे मेळचे म्हूण वापरता जाल्यार तें उल्लंघन अशें मानतले.
ट्विटराक सगळ्या वटांनी आव्हानांक तोंड दिवचें पडटा, अशा वेळार ट्विटरान ही कार्यावळ सुरु केल्या. झुकरबर्ग कंपनीची मेटा ट्विटराच्या ट्रॅफिकाक आडावपाचो यत्न करता, असो आरोप जाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
