ट्विटराचो लोगो कित्याक बदल्लो?
भांगरभूंय | प्रतिनिधी
भांगरभूंय । खबरां संस्था
न्यूयाॅर्क : ट्विटर विकतें घेतले उपरांत एलॉन मस्कान तातूंत जायते बदल केल्यात. तांतूतलो ‘पेड सबस्क्रिप्शन’ हो एक म्हत्वाचो मुद्दो. सोमारा एलॉन मस्कान ट्विटराचो लोगोच बदल्लो. ट्विटराचो नवो लोगो ‘X’ सध्या बरोच चर्चेंत आसा.
आतां ट्विटराचो निळ्या चिमणेच्या लोगो बदला इंग्लीश ‘X’ असो लोगो आयलां. मस्कान एक्स डॉट कॉम (X.com) थेट ट्विटर डॉट कॉम (Twitter.com) कडेन जोडला, म्हळ्यार एक्स डॉट कॉम टायप केल्या उपरांत थेट ट्विटराच्या संकेतथळार पावतले.
ट्विटराचो लोगो बदलपाचे कारण म्हळ्यार, ट्विटर विकतें घेवप हें ‘X’ च्या नव्या युगा खातीर एक व्हडलें पावल आशिल्लें. तांच्या रणनिती प्रमाण तांणी ट्विटरांत जायते बदल केले. ट्विटराचेर फकत 140 उतरांची मर्यादा आशिल्ली, पूण ‘X’ चेर आतां कांय वरांच्या व्हिडियो सयत सगळें पोस्ट करपाक मेळटलें. हाचे भायर ‘X’ नांवाचो प्लॅटफॉर्म आसतलो, जातूंत ई- कॉमर्स, बँकिंग वा पेमेंट सारकिल्ल्यो जायत्यो सुविधा मेळटल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
