ट्रेडींग ऍपा वरवीं करात गुंतवणूक

भांगरभूंय | प्रतिनिधी

नवी दिल्ली, प्रतिनिधी : दरेकल्याक आपलो फुडार सुरक्षीत करपाचो आसता. ताका लागून काम आनी सेव्हींग्स गरजेचें. शेअर बाजारांत योग्य सुवातेर गुंतवणूक केल्यार तुमकांय फायदो जावपाक शकता.
तुमी स्टॉक ट्रेंडिंगा विशीं आयकलां आसतलें. हातूंत गुंतवणूकदार ऑनलायन पयसो गुंतवणूक करता. ताचे वरवीं ते जोडटात. खुबश्या जाणांक शेअर बाजारांत गुंतवणूक करची आसता. पूण तातूंत कशी गुंतवणूक करची हें तांकां खबर नासता. तांकां शेअर बाजारांतल्या घडामोडी, कांय टिप्सूय जाय आसतात. भारतांतल्या ह्या ट्रँडींग ऍपांचो गुंतवणुके खातीर उपेग जावं येता. हाचे वरवीं तुमी गुञतवणूक करपाक शकतात आनी पयशे जोडपाकूय शकतात.

बेस्ट ट्रेडींग ऍप

शेअर बाजारांत गुंतवणूक करपा खातीर खुबशे ट्रेडींग ऍप आसात. तांतले कांय ऍप तुमकां खुबश्यो सुविधायो दितात. ताका लागून गुंतवणूक करप सोंपें जाता. भारतांतले हे ट्रेडींग ऍप सामके लोकप्रिय.

Zerodha – झिरोधा हें एक लोकप्रीय ट्रेडींग ऍप. दमदार ट्रेडींग टुल्सचे मजतीन हाचेर गुंतवणूकदारांक सहज ट्रेड घेवं-विकूं येता. हें ट्रेडर्स आनी इन्व्हेस्टर ह्या दोगांय खातीर उपेगी ऍप जावन आसा.

Upstox – अपस्टॉक हे एक लोकप्रीय ट्रेडींग ऍप. हें ऍप सोपो इंटरफेस आनी मोबायल फ्रेंडली जावन आसा. ताका लागून खुबश्या युजर्सांक हो ऍप आवडटा. सुरवातेक गुंतवणूक करपा खातीर हो एक बरो पर्याय.

Angel One – एंजल वन हो एक ट्रेडींग ऍप. आधुनीक चार्टिंग टुल्स आनी विश्लेषणात्मक फिचर्स खातीर तो वळखतात. ज्या ट्रेडर वा गुंतवणूकदाराक शेअर खरेदी-विक्रेचो बरो अणभव आसा. तांचे खातीर एंजल वन ऍप फायद्याचो.

5paisa – 5 पैसा हो युझर फ्रेंडली ऍप. उणो शुल्क आनी सोपो इंटरफेस हे खातीर हो ऍप बरो आसा. नव्या गुंतवणूकदारां खातीर हो ऍप फायद्याचो. हातूंत गुंतवणूक करपा खातीर सोपी पद्धत दिल्या.

Groww – ह्या ऍपाचो इंटरफेस सामको सोपो. हो ऍप मोबायल फ्रेंडली अणभवा खातीर बरो. चड काळा खातीरचे गुंतवणूकी खातीर हो ऍप एक बरो पर्याय जावन आसा. ह्या ऍपांत गिरायकांक बाजारांतले अपडेट, घडामोडी आनी टिप्सूय दितात. कांय ऍप गिरायकांक गुंतवणुकीच्यो टिप्स आनी सपोर्ट दितात.

• विशेश सुचवणी: खंयच्या ट्रेडींग ऍपांत गुंतवणूक करचे पयलीं मार्गदर्शक तत्वां आनी संबंदीत ऍपा विशीं म्हायती घेवची. ऍपाची तुलना करात. तुमचे नदरेन जें ऍप योग्य आसात ताची निवड करात.