भांगरभूंय | प्रतिनिधी
पणजी ः होंडा- सत्तरींत मान्सून पूर्व देखरेखीचें काम करतना गोंय वीज खात्याचो लायनमन चंद्रू गांवकाराक (मोर्ले, सत्तरी) मरण आयलें. मंगळारा, 20 मे दनपारां 12:30 वरांचेर सुमाराक ही घडणूक घडली.
मेळिल्ले म्हायती प्रमाण, मान्सून पूर्व देखरेखीचें काम करपाक वीज खात्याचे हें तीन कर्मचारी आयिल्ले. आनी ह्या कामाक लागून आयज होंडा पोस्ट वाडो वाठारांत शटडावन आशिल्लें. तिगां मदलें एकलो वयर ट्रान्सफॉर्मराचेर चडिल्लो, एकलो फ्यूजाचें काम करतालो जाल्यार तिसरो लायनीचेर वयर आसलो. तिगांकूय विजेचो शॉक लागलो. उपरांत दोग जाणांक सकयल देंवपाक येस आयलें. जाल्यार वयर ट्रान्सफॉर्मराचेर चडिल्लो चंद्रू वीजेच्या तारींचेर आडकून उरलो. उपरांत ताका सकयल काडलो आनी उपचारा खातीर सांखळे हॉस्पिटलांत व्हेलो, पूण दोतोरांनी ताका मरण आयिल्ल्याचे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
