भांगरभूंय | प्रतिनिधी
अमेरिका-इस्त्रायल आनी इराण झुजाचो आयज १७ वो दीस. मजगतीं, ट्रम्प हांणी आयतारा नाटो देशांक धमकी दिली. तांणी म्हणलें, जर इश्ट राष्ट्रां होर्मुझ सामुद्रधुनी उक्ती दवरपाक मजत करिना जाल्यार नाटोचो फुडारी खूब वायट आसपाक शकता.
ट्रम्प हांणी म्हणलें, आपल्याकडेन नाटो नांवाची एक वेवस्था आसा. आमी तांचे वांगडा खूब बरे वागल्यात. आमकां युक्रेनाचे विशीं तांची मजत करपाची गरज नाशिल्ली. तरी आमी तांकां मजत केली. आतां ते आमकां मजत करतात काय हें पळोवपाक जाय.
जर चिनान होर्मुझ सामुद्रधुनी उक्ती दवरपाक मजत केली ना, जाल्यार ते ह्या म्हयन्याच्या निमाणे कडेन चीनचे राष्ट्राध्यक्ष शी जिनपिंग हांचे वांगडा जावपी तांची शिखर परिशद मुखार धुकलपाक शकतात. ट्रम्प ३१ मार्चाक चिनाक वचपाचे आसात.
खरें म्हळ्यार, ट्रम्प हांणी होर्मुझ सामुद्रधुनीचो वापर करपी देशांक ह्या मार्गाचे संरक्षण करपा खातीर झुजाची बोट आनी गरजेची मजत धाडपाची मागणी केल्ली. संवसारभरचें २०% तेल ह्याच मार्गांतल्यान वता.
आयज सकाळीं दुबय आंतरराष्ट्रीय विमानतळा लागसार एका इंधन टाकयेक लक्ष केलें. ह्यान पयलींय झुजा मजगतीं हांगा हल्लो जाल्लो. मात ह्या हल्ल्यांत कोणाक कांय जावंक नाशिल्ल्याची म्हायती मुखार येवंक ना.
इराणान इस्त्रायलाचेर ‘सेजिल बॅलिस्टिक क्षेपणास्त्र’ उडयलें
इझ्राएलाच्या लश्करी आनी संरक्षण सुविधांचेर लक्ष्य केलां अशें इराणाच्या इस्लामीक रिव्हॉल्युशनरी गार्ड कोर्पान सांगलें. ही घन इंधनान चलपी रणनितीची क्षेपणास्त्र आशिल्ल्यान, तीं २०००-२५०० किलोमीटर मेरेन मारूंक शकतात.
‘द नॅशनल इंटरेस्ट’ नेमाळ्याच्या मतान ही क्षेपणास्त्र इजिप्त, सुदानाचे कांय वाठार, युक्रेन, दक्षिण रशिया, अस्तंत चीन, भारत आनी हिंदु म्हासागर तशेंच भूंयमध्य दर्याच्या व्हड वाठारांनी पावूंक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
