भांगरभूंय | प्रतिनिधी
नवी दिल्ली ः टोल पेमेंटा संबंदी नवो नेम जारी केला. डिजिटल पेमेंट चालीक लावपाक आनी टोल प्लाझांचेर रोख फारीकणी उणी करपा खातीर सरकारान कांय नेम जारी केल्यात. ह्या बदलिल्ल्या नेमा खाला नॅशनल हायवेचेर नॉन FASTag वाहनांच्या एंट्रीचेर पेमेंटच्या आधारार वेगवेगळे शुल्क घेतले.
जर युजर्स कॅश पेमेंट करपाचे आसल्यार टोल टॅक्स दुपेटीन दिवचो पडटलो. मात जर युजर्स UPI वा हेर डिजीटल पेमेंट केल्यार टॅक्स 1.25 दुपेटीन दिवचो पडटलो. सध्या कॅश आनी UPI दोनूय तरेच्या पेमेंटा खातीर डबल टॅक्स दिवचो पडटा. हाचो अर्थ आसो, युपीआयन पेमेंट केले उपरांत नॉन फास्टॅग युजर्सांक उणें टॅक्स दिवचें पडटलें. फास्टॅग नाशिल्ल्या वाहनां खातीर ही व्हड सूट आसतली.
15 नोव्हेंबर सावन हो नवो नेम लागू
डिजिटल पेमेंट वाडोवपा खातीर आनी टोल प्लाझांचेर रोख वेव्हार उणो करपा खातीर हो बदल केला. ह्या नेमाक लागून टोलाचेर पेमेंट करपाचे पद्दतींत व्हड बदल जातलो. हो नेम 15 नोव्हेंबर सावन लागून जावपाक शकता.
जर खंयच्याय वाहनां खातीर फास्टॅगा वरवीं टोल शुल्क 100 रुपया आसा, जाल्यार तुमकां 200 रुपया कॅश दिवचें पडटलें. मात युपीआय वरवीं डिजीटल पेमेंट केल्ल्यान 125 रुपया भरचे पडटले. हाचो अर्थ असो, 15 नोव्हेंबर सावन नॉन फास्टॅग युजर्सांक युपीआय वरवीं पेमेंट केल्यार 75 रुपयां वाचपाक शकता.
ह्या बदलाचो हेत डिजीटल पेमेंटांत वाड आनी पारदर्शिकताय हाडप. तशेंच टोल प्लाजाचेर दक्षता वाडोवप असो आसा. हाका लागून टोलनाक्यार येरादारी कोंडी उणी जावपाक मजत जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
