टोमॅटो फारायले, मोल अडेज लाख

भांगरभूंय | प्रतिनिधी

भांगरभूंय । खबरां संस्था
बेलूर : कर्नाटकांतल्या बेलूर तालुक्यांतल्या शेतांतल्या २ लाख ७० हजारांचे टोमॅटो चोरून व्हेले उपरांत आतां चिक्काजला हांगा तीग जाणांनी दोन टन टोमॅटो भरिल्लो ट्रक चोरून व्हेल्ल्याचें उक्ताडार आयलां.
घडणूक शेनवारा सांजची. चित्रदुर्गा जिल्ह्यांतल्या हिरियुर हांगाचो शेतकार शेतांतल्यान टोमॅटो शारांत व्हरतालो. वाटेर आसतना तिगांनी ताका आरएमसी यार्ड लागसार आडायलो. आमचे गाडयेक तुज्या ट्रकाचो धपको बसलो अशें तांणी सांगलें.
शेतकार तांचे कडेन उलयतना तांणी ट्रकाचेर नियंत्रण मेळयलें. ताचेर हल्लो केलो आनी कार दुरुस्ते खातीर पयशे मागले. शेतकारा कडेन पयशे नात हें कळटकच तांणी ताका गाडयेंतल्यान भायर काडलो आनी वट्ट 2 टन टोमॅटोचो ट्रक घेवन फुज्ज्यो मारल्यो. ह्या म्हालाचें मोल सुमार ₹ २.५ लाख आसा, अशें सूत्रांनी सांगलें.
शेतकाराचे कागाळीचेर आदारून पुलिसांनी आरोपींचो सोद घेवपाचे यत्न सुरू केल्यात. लोकांची म्हायती आनी सीसीटीव्ही फुटेजा वयल्यान तांची वळख पटल्या, अशें तांणी सांगलें.