भांगरभूंय | प्रतिनिधी
गोंयात 100 रुपया किल
पणजी ः फाटल्या 15 दिसां सावन वाडिल्लो टोमॅटोचो दर तसोच आसा. सध्या राज्यांत टोमॅटो 100 ते 120 रुपया दर किलोन विकपाक लागल्यात. इतलेंच न्हय तर हेर भाजयांचेय दर वाडल्ल्यात.
बदलत्या हवामानाक लागून बाजारांत टोमॅटोचो दर वाडलां. देशांतल्या जायत्या शारांनी टोमॅटोच्या दरान 150 आंकडो हुंपला. खास करून उत्तर भारतांत टोमॅटोच्या अचकीत वाड जाल्ल्यान, उत्तराखंडांतल्या कांय शारांनी 200 ते 250 रुपया किल टोमॅटो विकपाक लागल्यात. मुंबय आनी भोंवतणच्या वाठारांत लेगीत टोमॅटोचो दर 120 ते 160 रुपया किलो आसात. गोंयांत टोमॅटो 100 ते 120 रुपया.
उश्ण गिमाक लागून टोमॅटोच्या उत्पादनाचेर परिणाम जाता आनी दर वर्सा जून- जुलय म्हयन्यांत ताचे दर वाडटात. पूण अंदूं हे दर उंचेल्या पांवड्यार पावल्यात. जून म्हयन्याच्या दुसऱ्या, तिसऱ्या सप्तका मेरेन किला फाटल्यान 30 ते 35 रुपया आशिल्ल्या टोमॅटोचे दर जूनाच्या निमण्या सप्तका सावन वाडल्या आनी फाटल्या धा दिसांत हे दर सुमार चार पटींनी वाडल्यात. अंदूं जानेवारी सावन टोमॅटोच्या दरांत 445 टक्क्यांनी वाड जाल्या. फाटल्या वर्सा परस चड उश्ण गीम आनी अचकीत पावस ह्या दोनूय कारणाक लागून टोमॅटो उत्पादनाचेर परिणाम जाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
