भांगरभूंय | प्रतिनिधी
पणजीः कांय दीस आदीं मधुबन रस्त्यावेले इमारतीं लागसार आनी काकुलो मॉला लागसार गांज्याचें रोप मेळिल्ल्यान पणजी शारांत तें पावलें कशएं हाचे वयल्यान जायतें प्रस्न निर्माण जाल्लें. ते उपरांत आयज टोंकार टेम्पटेशन बार, रॅस्टोरंटा मुखार गांज्याचें आनीक एक रोप सांपडलो. तें रोप थंय पावले कशें? पणजे स्मार्ट सिटींत हें गांज्याचें रोप मेळपाची 10 दिसांतली 3 घडणुक जावन आसा. हाका लागून पणजी ‘गांजो थळ’ जावपाचे वाटेर ना मूं? असो प्रस्न निर्माण जाता.
मजगतीं, 6 जानेवारीक सकाळीं णजेच्या शीतल हॉटेल ते मधुबन जंक्शन रस्त्यावेल्या झरीना टॉवर इमारती मुखार गांज्याचें रोप मेळिल्लें. ताचें आदीं 4 जानेवारीक काकुलो मॉला लागसार फुटपाथाच्या कुशीक लायिल्ल्या झाडांनी गांज्याचें एक मेळ्ळिल्लें. तें रोप लोकांचे नदरेक पडटकच हाचे वेल्यान बोवाळ जाले उपरांत घुंवळे वखदा विरोधी पंगडाचे (एएनसी) अधिकारी थंय पावले आनी ते रोप मुळा सयत काडून तपासणे खातीर धाडले.
ह्या प्रकरणांचो आजून कसलोच अहवाल आयिल्लो ना ताका लागून हें रोप कशें आयले, कोणी लायले हाचें विशीं एक गुपीत जावन आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
