भांगरभूंय | प्रतिनिधी
भांगरभूंय । प्रतिनिधी
दिवचलः टूगेदर फॉर साखळी पॅनला वतीन आमी प्रवीण ब्लेगन हाका बिनविरोध वेंचून हाडून आमचें खातें उगडलां. उदरगत आनी लोकांची सेवा ह्या मुद्य्यांचेर आमी परत एक फावट साखळी नगरपालिकेंत सत्तेर येतले असो विस्वास ब्लॅनग हाचे सयत धर्मेश सगलानी, सुनीता वेरेकार, डॉ सरोज देसाय ह्या पॅनलाच्या उमेदवारांनी एके पत्रकार परिशेदेंत उक्तायलो.
सत्तेर आशिल्ल्या फाटल्या धा वर्सांत आमी केल्लो वावर, कोरोना म्हामारी वेळार जायत्या जाणांक केल्ली मजत तशेंच सूडाचें राजकारण केलें नाशिल्ल्यान लोक परत एक फावट आमकां संद दितले अशें सगलानीन सांगलें. सध्या जे भाजपांत गेल्यात तांका आमीच वेंचून हाडल्ले. लोकांक सगळें खबर आसा. लोकांची सेवा करपा खातीर आमी वेंचणूक रिंगणांत आसात. लोक मुजरत आमचे वांगडा रावतले अशें सुनीता वेरेकारान सांगलें.
टुगेदर फॉर साखळीचे उमेदवार फुडले भशेन आसात- प्रभाग एक- कुंदा माडकार, प्रभाग दोन- इशा सगलानी, प्रभाग तीन- सुनीता वेरेकऱ प्रभाग चार- धर्मेश सगलानी, प्रभाग पाच- प्रवीण ब्लॅगन (बिनविरोध जैत ), प्रभाग स – डॉ सरोज देसाय, प्रभाग सात- संपतराव प्रभुदेसाय, प्रभाग णव- भाग्यश्री ब्लॅगन, प्रभाग धा- राजेंद्र आमेषकर, प्रभाग ईकरा- रश्मी घाडी, प्रभाग बारा – अश्विनी कामत
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
