भांगरभूंय | प्रतिनिधी
भांगरभूंय । प्रतिनिधी
मडगांवः आकें हांगच्या दयानंद शिक्षण संस्थेच्या टी बी कुन्हा हायस्कुला वतीन 10वेच्या परिक्षेंत बरे गुण घेवन पास जाल्ल्या विद्यार्थ्याचो भोवमान तशेंच पोरूंच्या सर्तींत जैतिवंत जाल्ल्या विद्यार्थ्यांक इनामा दिवपाची कार्यावळ जाली. मडगांव पालिका मंडळाचो नगराध्यक्ष दामोदर शिरोडकार ह्या वेळार मुखेल सोयरे म्हणून हाजीर आशिल्ले.
दयानंद शिक्षण संस्थेचो अध्यक्ष राजेंद्र देसाय हाणे धावेचे परिक्षेंत हायस्कुलांत पयल्या तीन नंबर घेतिल्ल्या महेश विष्णू, मनिषा कुमारी आनी श्रीदेवी गब्बूर हांका रोख इनामां दिलीं. लिओ क्लब अध्यक्ष राधिका रायकार हिणे गीता बालेकुंद्री आनी प्रतिक्षा भोसले ह्या 9वेच्या विद्यार्थिनींक पाठ्यपुस्तकां आनी वह्यो दिल्यो. शोभा बांदेकार, विश्वनाथ नायक तारी, दिनेश उर्फ दत्ता नायक, सुजाता सुर्लकार, विनोद कुमार शर्मा आनी भालचंद्र कामत हांणी भेट वस्तू दिल्यो.
2021-22च्या शिक्षणीक वर्सा घेतिल्ले चित्रकला, भाशण आनी खेळां सर्तींत येसस्वी जाल्यांक इनामां भेटयलीं. शिक्षिका गीता नायक हिणे महेश विष्णू आनी मनिषा कुमारीक गणितांत चड गुण घेतिल्ले खातीर इनामां दिलीं.
मडगांव शारांतली कोयराची समस्या सुटावी करपा खातीर मडगांव पालिका मंडळान पावलां घातल्यांत. विद्यार्थी वा तांच्या पालकांनी आपापल्या वाड्या वयल्या कोयराची म्हायती दिवची तो उखलून व्हरपाचें काम आमचे कर्मचारी करतले अशें दामोदर शिरोडकारान ह्या वेळार सांगलें. कार्यावळीक दयानंद शिक्षण संस्थेचो उपाध्यक्ष अरूण रायकार, सचीव सुशांत सुर्लकार, नारायण कुराडे, सुजाता मोहनदाक सुर्लकार, रजीन रायकार, नीलेश मुले, दीपक सावर्डेकार, पालक-शिक्षक संघाचो अध्यक्ष षणमुखप्पा विष्णू हाजीर आशिल्ले. चंद्रा चव्हाणान सूत्रसंचालन केलें,
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
