भांगरभूंय | प्रतिनिधी
नवी दिल्ली, खबरां संस्था: जून महिन्याचे सुरवातेकूच टी-२० वर्ल्डकपाक सुरवात जातली. ५ जुनाला टीम इंडियाचो हे सर्तेंत पयलो सामनो आयर्लंड कडेन जातलो. आंतरराष्ट्रीय क्रिकेटीच्या सगळ्यांत ल्हान स्वरूपाचें पयलें वर्ल्डकप २००७ त खेळ्ळे.ह्या वर्ल्डकपाचे जैतिवंत भारत देश आशिल्लो. उपरांत टीम इंडियाक टी २० वर्ल्ड कपांत येस मेळूंक ना. ताका लागून अंदूं भारत देशूच टी२० वर्ल्ड कप जिकतले अशें मानतात. २०२४ च्या टी२० वर्ल्डकपांत टीम इंडियाची प्लेइंग इलेव्हन कशी आसतली तें जाणून घेयात.
कांय रिपोर्ट्सच्या म्हणण्या प्रमाण, रोहित शर्मा आनी विराट कोहली २०२४ च्या टी-२० वर्ल्डकपांत ओपनिंग करतले. मात तशें जावप शक्य ना. हाचें कारण म्हळ्यार यशस्वी जयस्वालचो टिमींत आसपाव करून घेतला. रोहित हाचे वांगडा यशस्वी ओपनिंगाक देंवपाची शक्यताय आसा. उपरांत विराट कोहली तिसर्या क्रमांकाचेर खेळतना दिसपाची शक्यताय आसा.
भारताचो मिस्टर ३६० डिग्री आनी ह्या फॉरमॅटचो उत्कृश्ठ बॅट्समॅन सूर्यकुमार यादव ह्या वेळार चोवथया क्रमांकाचेर खेळटना दिसतलो. उपरांत विकेटकीपर बॅट्समॅन ऋषभ पंत पांचव्या क्रमांकाचेर जाल्यार स्टार हार्दिक पंड्या सव्या क्रमांकाचेर देंवपाक शकता. टीम इंडियाचो स्पिनर रवींद्र जडेजा सातव्या क्रमांकाचेर खेळपाक शकता.
बॉलरां मदीं कोणाचो आसपाव आसतलो?
बॉलरां मदीं कुलदीप यादव लीड स्पिनरचे भुमिकेंत दिसतलो. वेस्ट इंडिजचे पिचीर कॅप्टन रोहित तीन स्पिनर्सांचो खेळपाचो विचार केल्यार युझवेंद्र चहलचोय निमाण्या इकरा मदीं आसपाव जावपाक शकता. जाल्यार वेगान बॉलींग करपी अर्शदीप सिंग, मोहम्मद सिराज आनी जसप्रीत बुमराह हांचो टिमींत आसपाव जावपाक शकता.
टी-२० वर्ल्डकपा खातीर टीम इंडियाचे प्लेईंग ११ आसपाची शक्यताय
रोहित शर्मा, यशस्वी जयस्वाल, विराट कोहली, सूर्यकुमार यादव, ऋषभ पंत (विकेटकीपर), हार्दिक पंड्या, रवींद्र जडेजा, कुलदीप यादव, अर्शदीप सिंग/युझवेंद्र चहल, जसप्रीत बुमराह आनी मोहम्मद सिराज.
रिझर्व प्लेयर्स – शुभमन गिल, रिंकू सिंह, खलील अहमद आनी आवेश खान.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
