भांगरभूंय | प्रतिनिधी
जाणून घेयात टीम इंडियाचें आयच्या दिसाचेंं वेळापत्रक
नवी दिल्ली, खबरां संस्था: टीम इंडियाच्या खेळगड्यांनी दिल्लींतल्या आयटीसी मौर्य हॉटेलांत कांय वेळ विसव घेतले उपरांत सकाळीं सुमार ११ वरांचेर तांणी प्रधानमंत्री नरेंद्र मोदी हांची भेट घेतली. ताचे उपरांत दनपरां २ ते ३ वरांचेर टीम इंडिया मुंबय पावतली. टीम इंडियाची जैताची रॅली मुंबयंत जातली. तशेंच टीम इंडिया वानखेडे स्टेडियमाक भेट दितली. भारतीय पंगडाक येवकार दिवपा खातीर हांगा व्हड सुवाळो आयोजीत केला.
टीम इंडियाचें विमान भारतांत पावतकच बीसीसीआयन एक खाशेलो व्हिडियो शेअर केला. जसप्रीत बुमराह, रोहित शर्मा, विराट कोहली, शिवम दुबे, युझवेंद्र चहल, मोहम्मद सिराज, रवींद्र जडेजा ह्या व्हिडियोंत दिसतात. हे सगळे खेळगडे एक बॅग उगडून हातांत वर्ल्डकप ट्रॉफी घेवन भारतांत प्रवेश करपाची खोस उक्तायतना दिसतात. ह्या वेळार सगळे खेळगडे हांसत आसात. ह्या व्हिडियोचें कॅप्शन ‘इट्स होम’ अशें आसा.
टीम इंडियाचें आयचें वेळापत्रक-
सकाळीं १० ते दनपरां १२ मेरेन प्रधानमंत्री नरेंद्र मोदी हांची भेट घेतले उपरांत दनपरां २ वरांचेर टीम मुंबय वतली.
सांजेवेळार ५ वरांचेर : मरिन ड्राइव्ह वतले.
सांजेवेळार ५ वरांचेर : वानखेडे स्टेडियमाचे दिकेन बस परेड.
सांजेवेळार ७ वरां सावन: वानखेडे स्टेडियमार जैताचो सुवाळो
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
