भांगरभूंय | प्रतिनिधी
टीबी हो फुफ्फुसांचो संसर्गजन्य दुयेंत. मायकोबॅक्टेरियम ट्यूबरक्युलोसीस नांवाच्या बॅक्टेरियाक लागून हें दुयेंस जाता. खोंकली आनी शींक हांचेपसून तें एका मनशा कडल्यान दुसऱ्या मनशाक पातळटा. ताचीं लक्षणां सुरवेक वळखुवप कठीण आसता. ताचेर उपचार करपाखातीर बाजारांत जायतीं वखदां आनी प्रतिजैव वखदां मेळटात.
डब्ल्यूएचओच्या मता प्रमाण संवसारभरांत सुमार चतुर्थांश प्रकरणा सयत टीबी दुयेंतींच्या संबंदीत भारत पयल्या क्रमांकाचेर आसा. भलायकी तज्ञांच्या मतान हें दुयेंस जावचें न्हय म्हूण रोगप्रतिकार शक्त घट करप खूब गरजेचें. टीबी दुयेंसाक कांय घरगुती उपाय खूब फायदेशीर थारूंक शकतात, जाका लागून ताचे परिणाम उणे जावंक शकतात.
टी.बी. दुयेंसाचीं लक्षणां
ह्या दुयेंसांत तुमकां 3 म्हयन्यां परस चड काळ खोंकली येवंक शकता. जोर, थंडी, कुडींत दुखप अशे हेर समस्या जावंक शकतात. हांचे भायर ह्या लक्षणां वयल्यानय तुमी टीबी दुयेंस वळखुवपाक शकता.
० पोटांत दुखप
० सांदे दुखप
० भ्रम निर्माण जावप
० सतत तकली दुखप
० घुंवळ येवप
टी.बी चेर करात हे घरगुती उपाय…
लसूणः आहारांत लसणीचो आस्पाव केल्यार भलायके खातीर फायदेशीर मानतात. हाचे भायर टीबी दुयेंसाचेर उपचार करपाकय तो प्रभावी थारता. तातूंत सल्फ्यूरिक अॅसिड आसता, जें टीबीच्या बॅक्टेरिया आड झुजपाक मजत करता.
जीवनसत्व डी: हें जीवनसत्व टीबी दुयेंतींक बरें जावपाक मजत करता. तांतयां, दूद, नुस्तें आनी कॉड लिव्हर तेलांतल्यान व्हिटॅमीन डी मेळता. हाचे वांगडाच टीबीच्या दुयेंतींनी दर दिसा सकाळीं कांय वेळ वताक बसपाक जाय. हाका लागून तांचे कुडींतल्या व्हिटॅमीन डीचो उणावूय पुराय जाता.
अक्रोड: अक्रोडांत पोशक तत्वां भरपूर आसतात. तातूंत ओमेगा 6, जीवनसत्व बी, जीवनसत्व सी, जीवनसत्व के आनी जीवनसत्व बी 12 आसता. ताका लागून निरोगी लिपिडाची पुरवण वाडटा. दर दिसा हें खाल्यार रोगप्रतिकार शक्त घट जाता.
संत्रां: संत्रां जीवनसत्व सी आनी अँटीऑक्सिडंट हांचो एक भांडार. संत्रांचो रोस टीबी दुयेंतींक खूब फायदेशीर मानतात. तशेंच छातींतलो कफ काडून उडोवपाकय ताचो फायदो जाता. अँटीऑक्सिडंट भरपूर आशिल्ल्यान हेर संसर्गजन्य दुयेंसा पासूनय राखण दिता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
