भांगरभूंय | प्रतिनिधी
पणजी: गोंय सरकाराच्या पर्यटन खात्याचो ट्रॅव्हल अँड टुरिझम फेअर (टीटीएफ) अहमदाबाद २०२५त आपलो आसपाव जाला. ’गोवा बियॉन्ड बीचेस’ वेले विशेश मोहिमे खातीर पर्यटन खात्याक उत्कृश्ठतायेचो पुरस्कार फावो जालो. गांधीनगरच्या महात्मा मंदिर कन्व्हेन्शन अँड एक्झिबिशन सेंटरांत हो पुरस्कार भेटयलो. जंय ही कार्यावळ ३१ जुलय ते २ ऑगस्ट २०२५ मजगतीं आयोजीत केल्ली.
जीटीडीसीचे वरीश्ठ वेवस्थापक प्रवीणकुमार फळदेसाय हांच्या नेतृत्वा खाला, सहाय्यक पर्यटन अधिकारी कॉन्सी परेरा आनी म्हायती सहाय्यक इसबिलिंडा वाझ हांचे सयत, गोंय शिश्टमंडळान तीन दिसांचे हे कार्यावळींत ट्रॅव्हल एजंट्स, टूर ऑपरेटर्स आनी मीडिया भागधारकां कडेन संवाद केलो.
हे विशीं उलयतना गोंय सरकाराचे पर्यटन संचालक केदार नायक हांणी, टीटीएफ अहमदाबाद २०२५त हो सन्मान मेळिल्ल्याचो आमकां अभिमान आसा. ’गोवा बियॉन्ड बीचेस’ ही मोहीम चड समावेशक, जापसालदार आनी विवीध तरेन पर्यटन अणभव निर्माण करण्याच्या आमच्या ध्येयाचोच एक भाग. हो पुरस्कार गोंयांक शाश्वतता, संस्कृती आनी समुदाया दिता. हें सगलें बाराय म्हयने आवडीचें गंतव्यस्थान करपाच्या आमच्या सेगीत यत्नांक मान्यताय दिता, अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
