भांगरभूंय | प्रतिनिधी
नवी दिल्ली, खबरां संस्था: टाटा समुहाच्या सुचिबद्ध कंपनींचें बाजार मोल फाटल्या सप्तकांत ३० लाख कोटी रुपयां फुडें गेलें. देशांतल्या खाजगी कॉर्पोरेट समुहाचें मार्केट कॅप इतल्या पांवड्यार पावपाची ही पयलीच वेळ. तीन वर्सांनी तांचें मार्केट कॅप सुमार दुपेटीन जालें. डिसेंबर २०२० त टीसीएस, टाटा मोटर्स आनी टाटा स्टिल सारक्या सुचिबद्ध टाटा ग्रुप कंपन्यांचें वट्ट मार्केट कॅप रु.१५.६ लाख कोटी आशिल्लें.
विशेश म्हळ्यार डिसेंबर २०२० सावन ९ फेब्रुवारी २०२४ मेरेन बेंचमार्क सेन्सेक्स सुमार ५०% वाडलो. मात ह्या काळात टाटा समुहाच्या कंपन्यांचे शेअर्स ९२% परस चड वाडले. मार्केट कॅपच्या बाबतींत समुहाची सगळ्यांत व्हडली कंपनी टाटा कन्सल्टन्सी सर्व्हिसेस (टीसीएस) फाटीं पडली.
२०२२ सावन आतां मेरेन…
टाटा समुहाच्या कंपन्यांचें मार्केट कॅप सुमार १० लाख कोटींनी वाडलें
कॉर्पोरेट समूहाच्या मार्केट कॅपांत वट्ट वाडिल्ल्या टीसीएसचो वाटो ३१.६% आसा.
डिसेंबर-२२ मेरेन मार्केट कॅपांत टीसीएसचो वाटो ५६.७% आशिल्लो, जो ७.४० टक्क्यांनी देंवलो.
(आंकडे ९ फेब्रुवारी मेरेन. स्रोत: बीएसआय)
ट्रेंड्स १७८%
टाटा मोटर्स १४०%
इंडियन हाॅटेल्स ६८%
टाटा कन्झ्युमर ५१%
टाइयन ३८%
टीसीएस ३३.५%
टाटा स्टील २७%
टीसीएस सध्या जोडपा परस उण्या मुल्यांकनाचेर वेपार करता. हे डिस्कावंटाचे संकेत आसात. टीसीएसचा ट्रेलिंग प्राइज टू अर्नींग (पीई) मल्टिपल ३३.२ पट आसा. हे गैर टीसीएस कंपन्यांच्या ४३ पटाच्या ट्रेलींग पीई परस सुमार २३%नी उणें आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
