भांगरभूंय | प्रतिनिधी
डॉ. मुखर्जी स्टेडियम लिजेचेर दिवपाचो निर्णय
पणजी : राज्यांतलो सध्याचो वीज मीटर बदलून ताचे सुवातेर स्मार्ट वीज मीटर बसोवपा खातीर सरकारान डिजीस्मार्ट नेटवर्क प्रायवेट लिमिटेड हे कंपनीची नेमणूक केल्या. पयल्या टप्प्यांत वेवसायीक आनी थ्री फेस मिटर्स बदलतले. पीपीपी तत्वाचेर डॉ. श्यामाप्रसाद मुखर्जी स्टेडियम लिजाचेर दितले. मात सरकारी कार्यावळीं खातीर कसलेच तरेचें भाडें कंपनी घेवची ना.
मुख्यमंत्री डॉ. प्रमोद सावंत हांणी मंत्रिमंडळ बसके उपरांत निर्णयांची म्हायती पत्रकार परिशदेत दिली. राज्यांतले साडेसात लाख वीज मिटर बदलून ताचे सुवातेर स्मार्ट मिटर बसयतले. पीपीपी तत्वाचेर डॉ. श्यामाप्रसाद मुखर्जी स्टेडियम डोम एंटरप्रायझेस प्रायवेट लिमिटेड कंपनीक लिजचेर दितले. सरकारी कार्यावळ सोडल्यार हेर कार्यावळीं खातीर ही कंपनी भाडें घेतली. म्हयन्याक सरकाराक २५ लाखांचाी महसूल मेळटलो.
विकसीत गोंय २०४७ करपाचें लक्ष्य २०३७ मेरेन पुराय करपाचें उद्दीश्ट आसा. ह्या प्रकल्पाचें काम कॉर्पोरेट चाणाक्य सर्वीसेसीन सुरू केलां. प्रकल्पाचें मंत्रिमंडळा मुखार सादरीकरण केलां. तज्ज्ञ तशेच जनतेच्यो सुचवण्यो मागयल्यात. ह्या प्रकल्पाचो शुभारंभ बेगीनूच करतले, अशें डॉ. सावंत म्हणाले.
मंत्रीमंडळाचे हेर म्हत्वाचे निर्णय :
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
