भांगरभूंय | प्रतिनिधी
मुंबई, खबरां संस्था ः अन्न वितरण कंपनी झोमाटोन अर्थीक वर्स 2024 वर्सा 351 कोटी रुपयाचो फायदो एकठांय केला. 2023 वर्साच्या अर्थीक वर्सा कंपनीक 971 कोटी रुपया लुकसाण जाल्लें. जाल्यार पुराय वर्साची येणावळ 12,114 कोटी रुपया आशिल्ली. 2023 वर्सा ही येणावळ 7,079 कोटी रुपया आशिल्ली. जाल्यार 2024 वर्साच्या चवथ्या तिमाहींत कंपनीक 175 कोटी रुपयांचो फायदो जालो. फाटल्या वर्साच्या ह्याच तिमाहींत 188 कोटी रुपयांचें लुकसाण जाल्ले.
तशेंच चवथ्या तिमाहींत कंपनीची येणावळ वर्साक 73 टक्क्यांनी वाडून 3562 कोटी रुपया जाली. फाटल्या वर्साच्या ह्याच तिमाहींत झोमॅटोन 2056 कोटी रुपयांची येणावळ मेळिल्ली.
कंपनीच्या शेअरांत एका वर्सात 208.71% परतावो मेळ्ळो
हाचे उपरांत झोमाटोचो शेअर 2.31 टक्क्यांनी देंवून 196.65 रुपयाचेर बंद जालो. फाटल्या 6 म्हयन्यांत कंपनीच्या शेअरांत 63.53 टक्क्यांनी वाड जाल्या. फाटल्या एका वर्सा कंपनीच्या शेअरांत 208.71% परतावो मेळ्ळा. 15 मे 2023 दिसा झोमाटोर 63.70 रुपयांचेर आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
