भांगरभूंय | प्रतिनिधी
पणजीः इराण, अमेरिका आनी इझ्राएल हांचे मदलें झूज वाडत आसा आनी ताचो परिणाम जायत्या सेवांचेर जावपाक लागला. विमान सेवांचेरूय ताचो व्हड परिणाम जाला. झुजाच्या फाटभुंयेर गल्फ एअर ह्या विमान कंपनीची दाबोळे विमानतळा वयल्यान यो-वच करपी सगळी विमान सेवा 26 मार्च मेरेन रद्द केल्या.
तशेंच दुबय-गोंय मार्गावेली एअर इंडिया एक्सप्रेसाची विमान सेवा 28 मार्च मेरेन रद्द केल्यांत अशीय म्हायती मेळ्ळ्या.
हे फाटभुंयेर प्रवाशांनी आपापल्या विमान कंपन्यां कडेन संपर्क सादचो आनी सविस्तर म्हायती घेवची अशें कळयलां. प्रवासाची येवजण करचे पयलीं विमानाची स्थिती पळोवनूच फुडलो निर्णय घेवचो अशेंय प्रशासनान स्पश्ट केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
