भांगरभूंय | प्रतिनिधी
निचितपूर, खबरां संस्था: झारखंड हांगा एक धक्को दिवपी घडणूक घडली. झारखंडांतल्या उलिहाट हांगच्यान निचितपुराक प्रवास करून करो न्हंये लागसारा एका लग्न सुवाळ्यांतल्यान घरा परतपी पांच नेणट्या चलयांचेर १८ नेण्ट्या चल्यांनी बलात्कार केल्ल्याचें मुखार आयलां. ह्या प्रकरणांतल्या १८ नेणट्या चल्यांक अटक केल्या. १६ वर्सां परस चड पिराय आशिल्ल्या चल्यांचेर प्रौढ म्हणून खटलो चलयतले अशें पुलिसांनी म्हणलां.
पिडेस्त पांचूय चलयो करो न्हंये लागसारा एका लग्नाक गेल्ल्यो. थंयच्यान त्यो घरा परततना १८ नेण्ट्या चल्यांनी तांकां आडयलीं आनी तांचेर अत्त्याचार केलो. हे घडणुके विशीं कोणाकूच सांगूं नाकात अणी धमणी त्या चल्यान चलयांक दिली. त्या अठरा चल्यांचे तावडेंतल्यान सुटून पिडेस्त चलयो घरा पावल्यो आनी तांचेर जाल्ल्या अत्त्याचारा विशीं तांणी आपल्या कुटुंबियांक सांगलें. कुटुबीय गांवकर्याचे मजतीन पुलिशेंत गेले. पांच मदल्या तिगां जाणांच्या बाबाच्या आधाराचेर गुन्यांव नोंद केलो. तशेंच त्या सगळ्या नेण्ट्या चल्यांक अटकूय केली.
नेण्ट्या चल्यांचेर चलयतले प्रौढ खटलो
१८ चल्यांक अटक केल्या. सगळे चले नेण्टे पिरायेचे आसात. तशेंच बलात्कार जाल्ल्यो सगळ्यो चलयोय नेण्टे पिरायेच्यो आसात.
झारखंडचे डीजीपी अनुराग गुप्ता हांणी, १६ वर्सां वयल्या सगळ्या भुरग्यांचेर प्रौढ म्हणून खटलो चलयतले. हाका लागून समाजांत भुरगे असलीं वायट कृत्यां करचे ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
