भांगरभूंय | प्रतिनिधी
अस्तंत आशियांतल्या जॉर्डन देशाचे खाजूर संवसारभर नामनेक पावल्यात. पूण सात वर्सां आदीं तांबड्या किड्याच्या आक्रमणाक लागून हीं खाजराचीं झाडां नश्ट जावपाचे वाटेर आशिल्लीं. आयज जॉर्डनांतल्या सुमार सात लाख झाडांक ह्या किडीं पसून राखण मेळ्ळ्या. सगळ्या झाडांचें स्कॅन एका खाशेल्या AI (Artificial Intelligence) साधनाच्या आदारान केलां.
ह्या यंत्राक लागून झाडाच्या खोडांतल्यान हे ल्हान तांबड्या किडींचो आवाज कळटा. तो मनशाक आयकूंक येना. ह्या एआयच्या आदारान दर एका जॉर्डन खाजूर झाडाचो डेटाबेस तयार केला. एआय वरवीं झाडां वांचोवपा खातीर तंत्रगिन्यानाची उदरगत करपाची काणी मनोरंजक आसा. अमान देशाचो अभियंतो झायद सिनोक्रेट हाणें २०१२ वर्सा जेरिकोक परतून येवन आपलो दायज्यांचो खाजूराचो वेवसाय परतून सुरू करपाचें थारायलें. पूण तांबड्या किड्याक लागून तांचीं झाडां एक एक करून सुकतालीं. 2016 वर्सा झायदान तांबडे किडे सोदपाचें थारायलें. तांणी आपल्या सावंडप्रूफ कुडींत खाजरांच्या झाडांतल्या तांबड्या किड्यांची इंजेक्ट केले. तांच्यो अळी आनी विकसीत किड्यांचो आवाज अतिसंवेदनशील मायक्रोफोना वरवीं रेकॉर्ड केल्ले. ते एआयच्या अल्गोरिदमा कडेन जुळयले. हातूंतल्यान तांणी आपलो स्वताचो अॅप तयार केलो. हाचे वरवीं खंयच्याय झाडाच्या कांडाक इंजेक्ट करून तातूंत तांबडे किडे वा तांच्यो अळयो आसात काय नात, तें आवाजावरवीं सोदूंक मेळटा.
अम्मान विद्यापिठाची प्राध्यापक नाहिला हांच्या मतान, ह्या एआय तंत्रज्ञानाक लागून जॉर्डनांतल्या खाजूराच्या झाडांक वापरताले त्या कीटकनाशकांचो वापर 75 टक्क्यांनी उणो जाला. तांबडे किडे आशिल्ल्याचें दिसून येता तें झाड कापतात. हाका लागून ह्या किडींचो हेर वनस्पतींक संसर्ग जावंक शकना.
1200 कोटी येणावळ
झायद हाणें पामइयर
नांवाचो हो अॅप तयार केला. जॉर्डन सरकारान ह्या अॅपा
वरवीं 4900 हेक्टर वाठारांतल्या दर एका माडाचें स्कॅन केलें.
हाका लागून जॉर्डनचे अर्थवेवस्थेक दर वर्सा 1200 कोटी रुपया परस चड येणावळ मेळपाक लागल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
