भांगरभूंय | प्रतिनिधी
भांगरभूंय । प्रतिनिधी
दिवचलः ग्रथपाल दिसा निमतान झांट्ये म्हाविद्यालयाच्या 70 गरजू विद्यार्थ्यांक म्हाविद्यालयाच्या बूक बॅन्केंतल्यान पुस्तका वितरीत केलीं. पयलें वर्स तें तिसरें वर्साच्या विद्यार्थ्यांचो तातूंत आसपाव आशिल्लो शिकतना सर्तींच्या परिक्षेचे तयारेक लागपाक जाय. इंटरनेटा वरवी एकठांय केल्ली म्हायती स्वताचे उदगती खातीर वापरची अशें मुखेल सोयरे सहाय्यक शिक्षण संचालक डॉ केशव धुरी हांणी ह्या वेळार विद्यार्थ्यांक सांगलें.
ह्या वेळार म्हाविद्यालयाचे प्राचार्य डॉ राजेंद्र कुंभारजुवेकार, उपप्राचार्य डॉ राजेश आमोणकार, ग्रंथालय समिती मुखेली प्रा रामचंद्र सुर्लकार, ग्रंथपाल बाळा मांद्रेकार माचयेर आशिल्ले. दिवली पेटोवन कार्यावळीक सुरवात जाली. विद्यार्थ्यांनी वाचनाक म्हत्व दिवपाक जाय. कारण वाचनांतल्यान मनीस घडटा अशें डॉ कुंभारजुवेकारान सांगलें. दिसांतलें एक वर तरी वाचना खातीर राखून दवोरपाक जाय अशें तांणे सांगलें.
सोयऱ्याचें हस्तुकीं वाणिज्य फाट्यांतल्या विद्यार्थ्यांक पुस्तकां वितरीत केली. कार्यावळीचें सूत्रसंचालन विद्यार्थिनी सनोबर खान हिणे केलें. बाळा मांद्रेकारान येवकार दिलो. रामचंद्र सुर्लकारान सोयऱ्यांची वळख करून दिली आनी प्रा. श्रृती बोरकार हिणे निमाणे उपकार मानले. कार्यावळ येसस्वी करपा खातीर अश अश्र्वी गावडे, स्नेहल नायक, महादेव मयेकार हांणी परिश्रम घेतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
