भांगरभूंय | प्रतिनिधी
मडगांव, प्रतिनिधी ः कागाळदाराचे चलयेचो छळ आनी कागाळदाराक धमकावपाच्या प्रकरणांत दुबावीत जुड मेर्सी राटो हाचे आड कोलवा पुलिशेंत गुन्यांव नोंद केला.
कागाळी प्रमाण, दुबावितान कागाळदाराच्या भाड्यान रावपी लोकांक गाळी संवल्यो. तशेंच जिवें मारपाची धमकीय दिली. हाचे भायर कॅमेरे, स्कुटर आनी उदका जोडणी मिटरांची मोडतोड करून लुकसाण केलें. हो सगळो प्रकार भाडेकरुंचे चलयेन मोबायल फोनांत रेकॉर्ड केलो. त्या वेळार दुबावीत जुड राटो हाणे ते चलयेक धरून तिचो मोबायल काडून घेवपाचो यत्न केलो. त्याच वेळार तिचो विनयभंग केलो. ही घडणूक 30 डिसेंबराक दनपारां 12:30 वरांचेर घडिल्ली. कागाळ केले उपरांत दुबावीत जुड राटो (रानवाडो, बेताळभाटी) हाचे आड झगडीं करून जिवें मारपाची धमकी दिवप, गाळी संवप, अपमान करप आनी विनयभंग करप ह्या कलमां खाला गुन्यांव नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
