भांगरभूंय | प्रतिनिधी
उत्तर प्रदेश, महाराष्ट्र, कर्नाटक वयल्या सुवातांचेर
नवी दिल्ली, खबरां संस्था ः देशांतले लाखांनी ज्येश्ठ नागरिक स्वताच्या भुरग्यांच्या अन्याय आनी क्रूरपणाचे बळी थारल्यात. ज्येश्ठ नागरिकांच्या 35 लाखां परस चड खटल्यांतल्यान सुमार 7 लाख खटले भुरग्यांनी तांका सोडिल्ल्यान, तांका त्रास दिल्ल्यान, तांच्या देखरेख खातीर भत्तो दिवंक नाशिल्ल्याची दाखल जाल्यात. जाण्टेपणांत जल्म दिवपी आवय-बापाय खातीर दिसाक दोन वेळचे जेवण आनी वखदांक लेगीत पयशे दिय नाशिल्ल्या भुरग्यां आड हे खटले दाखल जाल्यात. सर्वोच्च न्यायालयान निर्देश दिवन लेगीत जायते खटले 10 वर्सां प्रलंबीत आसात. त्रास सोंसपी ज्येश्ठ नागरिकांच्या वळेरेंत उत्तर प्रदेश, महाराष्ट्र, कर्नाटक वयल्या क्रमांकाचेर आसात.
राजस्थानांत सगळ्यांत चड खटले
ज्येश्ठ नागरिकां संबंदीत 1,03,233 प्रकरणां राजस्थान उच्च न्यायालयांत प्रलंबीत आसात. हे प्रमाण 24 उच्च न्यायालयांनी प्रलंबीत आशिल्ल्या वट्ट 7,00,062 खटल्यांच्या 14 टक्क्यां इतले आसा.
‘ह्या’ 12 राज्यांनी सुमार 20 लाख खटले… (जेश्ठ नागरिकांच्या प्रलंबीत खटल्यांचे आंकडे 24 मार्चा मेरेन)
| राज्य | खटले प्रलंबीत |
| उत्तर प्रदेश | 4,99,169 |
| महाराष्ट्र | 3,97,338 |
| कर्नाटक | 2,76,503 |
| बिहार | 2,53,349 |
| राजस्थान | 1,09,946 |
| मध्य प्रदेश | 1,00,818 |
| हरियाणा | 94,228 |
| पंजाब | 86,377 |
| गुजरात | 82,919 |
| झारखंड | 47,684 |
| दिल्ली | 47,134 |
| छत्तीसगड | 16,894 |
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
