भांगरभूंय | प्रतिनिधी
ठाणे, खबरां संस्था: ‘३ इडियट्स’ चित्रपटांतल्या खर मात लक्षवेधी प्राध्यापकाचे भुमिकेक लागून प्रेक्षकांच्या मनांत घर करपी ज्येश्ठ अभिनेते अच्युत पोतदार हे सोमारा १८ ऑगस्टाक अंतरले. ते ९१ वर्सां पिरायेचे आशिल्ले. ठाण्यांतल्या जुपिटर हॉस्पिटलांत तांणी निमाणो स्वास घेतलो. आयज मंगळार, १९ ऑगस्टाक तांचे कुडीचेर ठाण्यांत निमाणे संस्कार जातले.
चित्रपट मळार लोकप्रीय जावचे पयलीं अच्युत पोतदार हे भारतीय लश्करांत कार्यरत आशिल्ले. उपरांत तांणी इंडियन ऑइल कंपनींतूय काम केलें. मात, अभिनयाची आवड आशिल्ल्यान १९८० च्या दसकांत तांणी अभिनयाच्या मळार पावल दवरलें. चार दसकां परस चड काळ तांणी हिंदी आनी मराठी चित्रपट आनी टिव्ही मळार आपली वळख निर्माण केली.
१२५ परस चड चित्रपटांनी केली भुमिका
अच्युत पोतदार हांणी आपले कारकिर्दींत १२५ परस चड हिंदी आनी मराठी चित्रपटांत अभिनय केला. हातूंत आक्रोश, अल्बर्ट पिंटो को गुस्सा क्यों आता है, अर्ध सत्य, तेजाब, परिंदा, राजू बन गया जेंटलमॅन, दिलवाले, रंगीला, वास्तव, हम साथ साथ हैं, परिणीता, लगे रहो मुन्ना भाई, दबंग २ आनी व्हेंटिलेटर हे तांचे गाजिल्ले चित्रपट.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
