भांगरभूंय | प्रतिनिधी
पणजी : कर्मचारी भरती आयोगा वरवीं ज्युनियर स्टेनोग्राफर पदां खातीर निवड जाल्ले उमेदवार दिल्लीक गोवा सदनांत नोकरी करपाक अनुत्सुक आशिल्ल्याची म्हायती सुत्रां कडल्यान मेळ्ळीं. हे खातीर दिल्लीक वचपाक इत्सूक आसल्यार आयोगाक कळोपाचे तारखेंत वाड केल्या.
ज्युनियर स्टेनोग्राफर पदां खातीर घेतिल्ले सीबीटी परीक्षेच्या आधारार आयोगान निवड वळेरी जाहीर केल्या. निवड जाल्ल्या उमेदवारांची विवीध खात्यांत नियुक्ती करपाची प्रक्रीया सुरू आसा. गोंय सदन, दिल्लीच्या एका ज्युनियर स्टेनोग्राफराची नियुक्ती निवड जाल्ल्या उमेदवारांतल्या आयोगाक करपाची आसा. हे खातीर दिल्लींत आपले खुशयेन वचपाक कोण इत्सूक आसल्यार तांणी १३ फेब्रुवारी मेरेन कळोवचें, अशी सुचवणी दिली. अपेक्षीत प्रतिसाद मेळूंक नाशिल्ल्यान ही तारीख आतां २० फेब्रुवारी २०२६ मेरेन वाडयल्या.
एलडीसी, ज्युनियर स्टेनोग्राफर, एकावंटंट ह्या पदा खातीर निवड जाले उपरांत तांची विवीध खात्यांत नेमणूक करतात. गोवा सदन, दिल्लीकूय ज्युनियर स्टेनोग्राफरची गरज आशिल्ल्यान थंय खंयच्या निकशाचेर नियुक्ती करपाची, ही समस्या आसा. इत्से प्रमाण एकाद्याची गोवा सदनांत नियुक्ती करपाचो निर्णय जालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
