भांगरभूंय | प्रतिनिधी
नवी दिल्ली, खबरां संस्था: प्रधानमंत्री नरेंद्र मोदी हांचे अध्यक्षते खालचे समितीन आयज दोन आदले सनदी अधिकार्यांची वेंचणूक आयोगाच्या आयुक्त पदार नेमणूक केल्या. ज्ञानेश कुमार आनी सुखबीर सिंह संधू हे आतां वेंचणूक आयुक्त आसतले. आदले आयुक्त अरुण गोयल हांणी राजीनामो दिल्या उपरांत वेंचणुकेचें आयुक्तपद रिकामें आशिल्लें. लोकसभा वेंचणुकेक कांय दिसूच उरल्यात आनी आयुक्तांनीच राजिनामो दिल्ल्यान बोवाळ निर्माण जाल्लो. उपरांत आतां प्रधानमंत्र्यांचे समितीन दोन निवृत्त सनदी अधिकार्यांची आयोगाचेर ज्ञानेश कुमार आनी सुखबीर सिंह संधू हांची निवड केली.
कॉंग्रेसचे फुडारी, खासदार अधीर रंजन चौधरी हे प्रधानमंत्र्यांच्या समितींतले एकूच विरोधी पक्षांतले फुडारी. चौधरी हांणी, समिती मुखार उत्पल कुमार सिंह, प्रदीप कुमार त्रिपाठी, आय. पांडे, सुखबीर संधू, सुधीर कुमार आनी गंगाधर रहाटे हांचीं नांवां आशिल्लीं. तातुंतल्यान ज्ञानेश कुमार आनी सुखबीर सिंह संधू हांची निवड केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
